Sulmuesi i Milanit, Zlatan Ibrahimovic refuzoi një pyetje në lidhje me pensionimin e tij, duke i thënë një tifozi se “futbolli vdesë pa mua”.

Ylli suedez po i afrohet ditëlindjes së tij të 41-të dhe, pavarësisht se u përball me disa muaj jashtë fushave pasi iu nënshtrua një operacioni të rëndë në gju, së fundmi zgjati kontratën e tij me Milanin.

Ibra është përballur për pjesën më të mirë të dekadës së fundit me pyetjen se kur do të pensionohet dhe kurrë nuk ka dhënë asnjë tregues se është afër.

"Raca e ndryshme" - operacioni në gju duket se e ka bërë edhe më "bishë" Ibrahimovicin "Raca e ndryshme" - operacioni në gju duket se e ka bërë edhe më "bishë" Ibrahimovicin

Dhe i pyetur nga një fans gjatë një ‘live’ në Instagram se kur planifikoi të tërhiqej, ai tha: “Kurrë. Nëse dal në pension, futbolli vdes!”.

Reklama

Sulmuesi shtatlartë po vazhdon rehabilitimin e tij pasi ai kërkon të kthehet në fushë sa më shpejt të jetë e mundur dhe të luftojë për titullin e tij të gjashtë në Serie A.

Reklama

Pavarësisht se nuk u paraqit në një pjesë të madhe të ndeshjeve sezonin e kaluar, sulmuesi mori lëvdata për kontributin e tij në ndihmën e një skuadre të re të Milanit për të mbajtur nervat e saj dhe për të fituar Scudetton e parë në 11 sezone – me Ibrahimovic një lojtar në të dyja skuadrat. /Telegrafi/