“Fitore e merituar dhe gëzim i madh”, Xavi flet pas debutimit si trajner i Barcelonës

Trajneri i ri i Barcelonës , Xavi ishte i kënaqur me debutimin me fitore në rikthimin e tij në Camp Nou, pasi skuadra e tij mposhti Espanyolin me rezultat 1-0 në derbin lokal.

Blaugranat u detyruan të qëndrojnë në këmbë dhe t’i mbijetonte një stuhie të vonshme të rasteve të Espanyol natën e të shtunës pasi penalltia e Memphis Depay rezultoi e mjaftueshme për të siguruar të tre pikët për Xavin.

Megjithatë, pavarësisht një vlerësimi optimist të performancës kundër vizitorëve të Vicente Moreno, Xavi pranoi se ekipi i tij ka ende punë për të bërë në përpjekjen e tyre për të nisur sfidimin për titull në këtë sezon.

Lexo po ashtu Epoka e Xavit te Barcelona fillon me fitore në derbi ndaj Espanyolit

“Ajo që më pëlqeu më shumë nga lojtarët ishte qëndrimi i tyre. Sigurisht që ka gjëra që duhet të përmirësojmë. Në fakt, ka shumë”, ka thënë fillimisht Xavi pas ndeshjes.

❝The players were outstanding … this is what we want.❞

— Xavi's reaction to #BarçaEspanyol pic.twitter.com/BUIkFrRS8X

— FC Barcelona (@FCBarcelona) November 20, 2021

“Ne nuk jemi në situatën më të mirë dhe Espanyol na dha shumë probleme në fund. Por, në përgjithësi ishte një fitore e merituar dhe është një gëzim i madh”.

“Tifozët kanë qenë e mrekullueshëm. Nuk kam qenë në Camp Nou për gati gjashtë vjet dhe atmosfera ka ndryshuar shumë, por më pëlqeu”, përfundoi trajneri spanjoll. /Telegrafi/

New era.
Xavi. pic.twitter.com/iJbwzYKfqT

— FC Barcelona (@FCBarcelona) November 21, 2021