Me këtë rast, Komisari i Garave i Federatës së Basketbollit të Kosovës, ka marrë vendim që tifozeritë e të dyja skuadrave të mos jenë të pranishme në sallë në mënyrë të organizuar në takimet si mysafir.
“Vendim – Me të cilin ndalohet prezenca e tifozerisë në mënyrë të organizuar të KB Sigal Prishtina (Plisave) në ndeshjet finale të Play Off-it të ETC Superligës, të cilat zhvillohen në Pejë dhe tifozerisë së KB Peja (Shqiponjave), të cilat zhvillohen në Prishtinë”, thuhet në vendimin e federatës, shkruan GazetaOlle.com.
Arsyetimi i FBK-së është ky: “Për shkak të ndeshjeve të rrezikshmërisë së lartë, acarimit të marrëdhënieve gjatë zhvillimit të finales së IPKO Kupës së Kosovës, kërcënimeve të të dy tifozerive ditëve të fundit”.
