Dy policë të lënduar nga përleshja mes tifozëve të Ballkanit dhe Llapit

Zëdhënësja e Policisë së Kosovës për rajonin e Prishtinës, Flora Ahmeti, për portalin Dukagjini ka treguar se janë shoqëruar 21 persona në polici, dhe dy pjesëtarë kanë mbetur të lënduar nga përleshjet në mes të tifozëve të Llapit dhe Ballkanit.

Nga njoftimi, bëhet e ditur se edhe tre tifozë kanë marrë lëndime nga përleshjet pas ndeshjes.

“Shoqërohen në stacion policor 21 persona të përfshirë në një incident të ndodhur në Podujevë”, ka thënë fillimisht Ahmeti.

Lexo po ashtu Dhjetëra persona të arrestuar nga Policia e Kosovës për incidentin mes tifozerive në Podujevë

“Me datën 12.03.2023, rreth orës 15:00, në Podujevë, pas një ndeshje futbolli, tifozët e ekipeve janë përleshur duke përdorë/gjuajtur mjete të forta”.

“Si pasojë e përleshjes deri tani është raportuar se janë lënduar 2 zyrtarë policor, të cilët ishin në detyrë, të angazhuar për menaxhimin e situatës”.

Lexo po ashtu Skena të shëmtuara në Podujevë: Tifozët e Llapit dhe Ballkanit gjuhen me karrige - disa përfundojnë në rrugët e qytetit

“Ndërsa nga ana e tifozëve, deri tani është raportuar për tre të lënduar. Bazuar në të dhënat fillestare, ngjarja ka filluar në stadium, ku janë shkaktuar dëme materiale, (dëmtim i ulëseve), më pas ka vazhduar në rrugët Besnik Restelica dhe Zahir Pajaziti, ku janë dëmtuar tri vetura dhe një autobus”.

“Pas vënies nën kontrollë të situatës, policia në koordinim me prokurorin e shtetit, kanë nisë një hetim për ngjarjen”.

Lexo po ashtu Policia e Kosovës jep detaje nga incidenti i shëmtuar mes tifozëve të Ballkanit dhe Llapit

“Hetuesit policor në vazhdimësi janë duke ndërmarrë veprime hetimore me qëllim të identifikimit dhe procedimit e të gjithë të dyshuarve të përfshirë në këtë ngjarje”, bëri të ditur më tej zëdhënësja e Policisë së Kosovës.