Në kategorinë 52 kilogramë, Distria kaloi në rrethin e dytë pa meç, ndërsa aty e mposhti spanjollen Laura Gomez.
Në betejën për vendin e parë në grup, ajo u mund nga rumunia Andreea Chitu, por iu ofrua mundësia për repasazh, duke e mundur fillimisht izraeliten Gili Cohen, e më pas finlandezen Janna Sundberg, për t’ia sjell Kosovës medaljen e bronztë, shkruan Zëri.
Ndërkohë, Nora Gjakova humbi në duelin e parë, duke u eliminuar nga gjermania Viola Waechter. Kurse, Akil Gjakova do të përballet me koreanin Joo-Jin Kim, në xhiron e parë
