Lamine Yamal është rritur në një yll botëror vitin e fundit, por me sa duket ai ende nuk është i njohur për të gjithë, pasi një skenë e pabesueshme i ndodhi gjatë njërës prej daljeve të tij në qytet.
Ylli i Barcelonës po kalonte pranë një grupi vajzash, me sa duket nga Franca, dhe ato i kërkuan një fotografi, por jo në mënyrën që do të mendonin menjëherë të gjithë.
Konkretisht, vajzat i kërkuan Yamalit t’u bënte një foto, pasi ato padyshim nuk e njohën, dhe më vonë e pyetën se si quhej.
Pastaj Yamal bëri shaka dhe tha emrin e rremë "Ryan", por një nga shumë vajzat arriti ta njihte pas pak dhe iu afrua.
Yamal ishte në shoqërinë e miqve të tij dhe e gjitha ndodhi përpara një restoranti.
Si kujtesë, Yamal pritet të paraqitet në ndeshjen më të madhe në botë nesër, pasi Barcelona luan El Clasico kundër Real Madridit të dielën në orën 16:15. /Telegrafi/
