LAJMI I FUNDIT:

Cilët futbollistë do ta kishin fituar ‘Topin e Artë’ nëse nuk do të ekzistonin Messi dhe Ronaldo

Cilët futbollistë do ta kishin fituar ‘Topin e Artë’ nëse nuk do të ekzistonin Messi dhe Ronaldo

Lionel Messi dhe Cristiano Ronaldo fituan 12 Topa të Artë dhe France Football analizoi se cilët futbollistë do të kishin fituar trofeun prestigjioz nëse të dy nuk do të ekzistonin.

Argjentinasi fitoi shtatë, ndërsa futbollisti portugez pesë herë u shpall fitues i çmimit më prestigjioz individual dhe nëse ata të dy nuk do të ekzistonin, shumë top futbollistë mund të mburreshin me çmimin e lartpërmendur.

Messi dhe Ronaldo fituan çmimet e përmendura nga viti 2008 deri në vitin 2017, me argjentinasin që shtoi më shumë çmime në 2019 dhe 2021, dhe France Football u mor me analizën e lartpërmendur.

Sot ceremonia e Topit të Artë – Kush do ta fitojë?
Lexo po ashtu Sot ceremonia e Topit të Artë – Kush do ta fitojë?

Kështu, Fernando Torres, Xavi, Andres Iniesta, Franck Ribery, Manuel Neuer, Neymar, Antoine Griezmann, Virgil van Dijk dhe Robert Lewandowski mund të fitojnë Topin e Artë.

Në vitin 2008, çmimi do t’i takonte Fernando Torres, pasuar nga dominimi i dyshes së Barçës, Xavi dhe Andres Iniesta, të cilët do të fitonin çmimin e lartpërmendur nga dy herë.

Më pas, Franck Ribery dhe Manuel Neuer të Bayern Munichut do të fitonin çmimin e lartpërmendur, pas të cilit Neymar do të fitonte dy herë në tre vite dhe Antoine Griezmann do të kishte gjithashtu momentin e tij për ta fituar këtë çmim.

Virgil van Dijk do ta fitonte atë në 2019 dhe do të bëhej mbrojtësi i parë pas Fabio Cannavaro që do të fitonte Topin e Artë dhe në 2021 do t’i shkonte Robert Lewandowski.

Lista e fituesve të Topit të Artë nëse Lionel Messi dhe Cristiano Ronaldo nuk do të ekzistonin:

2008 – Fernando Torres

2009 – Xavi

2010 – Andres Iniesta

2011 – Xavi

2012 – Andres Iniesta

2013 – Franck Ribery

2014 – Manuel Neuer

2015 – Neymar

2016 – Antoine Griezmann

2017 – Neymar

2019 – Virgil van Dijk

2021 – Robert Lewandowski. /Telegrafi/