Jemi mësuar që në kryetitujt e faqeve rozë t’i shohim vazhdimisht çiftet e popullarizuara të Hollywoodit, mirëpo ekzistojnë edhe të tillë për të cilët kemi harruar se dikur kanë qenë bashkë.
Shumë prej yjeve që do t’jua sjellim më poshtë, tashmë janë të martuar apo në lidhje serioze, dhe ndoshta nuk mendojnë për njëri-tjetrin.
Ndërkaq, për disa prej tyre janë aq interesantë saqë është vështirë të besohet se kanë qenë ndonjëherë të lidhur, për më shumë, fansat janë të habitur pse nuk e kanë mbajtur lidhjen më gjatë.
Nicole Kidman dhe Lenny Kravitz
Aktorja hollivudiane ka pranuar se dikur ka qenë në lidhje me rokerin amerikan, me të cilin e kishte filluar lidhjen në vitin 2003.
“Nuk isha e gatshme. Ne nuk ishim të gatshëm”, ka treguar Kidman në një intervistë të mëhershme.
Topher Grace dhe Ivanka Trump
Aktori amerikan dhe vajza e madhe presidentit Donald Trump kanë qenë në lidhje para shumë vitesh. Grace e ka konfirmuar lidhjen, për të cilën ka thënë se nuk ka zgjatur shumë.
Kirsten Dunst dhe Jake Gyllenhaal
Dy aktorët kanë qenë të lidhur në periudhën 2002-2004, pasi ishin njohur përmes motrës së Gyllenhaal, Maggie. Madje edhe kanë bashkëjetuar në një shtëpi në Los Angeles.
Sarah Jessica Parker dhe Robert Downey Jr.
Lidhja e tyre ka zgjatur plot shtatë vite, prej se ishin njohur në filmin “Firstborn” në vitin 1984.
Asokohe aktori kishte probleme me vartësinë nga substancat narkotike, ndërsa ylli i “Sex and the City” ishte përpjekur t’i ndihmonte për t’i kaluar ato vështirësi.
Katy Perry dhe Josh Groban
Groban ka pranuar se pos lidhjes me këngëtaren, por edhe kënga e Katyt, “The One That Got Away”, i është kushtuar atij.
Jenna Dewan dhe Justin Timberlake
Pas ndarjes nga Britney Spears, Timberlake nisi të shoqërohej me Jennan, me të cilën nisi lidhjen, të cilën ajo e konfirmoi më vonë.
“Kemi qenë në lidhje. Nuk ka zgjatur shumë, ishim më shumë miq edhe kur ishim të lidhur”, ka treguar Dewan, e cila ka sqaruar se Justin ishte lidhur me të sa për ta tejkaluar ndarjen nga Britney.
Jessica Biel dhe Chris Evans
Para se ta gjente dashurinë e vërtetë te Justin Timberlake, Jessica Biel ka qenë në lidhje me ‘Kapiten Amerikën’. Aktorja dhe Chris Evans kishin aktruar në dy filma bashkë, kur edhe kishin qenë në romancë.
Alanis Morissette dhe Ryan Reynolds
Aktori dhe këngëtarja janë takuar në një festë ditëlindjeje të Drew Barrymore në vitin 2002. Madje, ishin fejuar, por pas dy vitesh janë ndarë.
Winona Ryder dhe Matt Damon
Dy aktorët e nisën lidhjen në vitin 1997, ndërsa ishin njohur përmes Gwyneth Paltrow gjatë festës së Vitit të Ri. Lidhja e tyre përfundoi në vitin 2000.
January Jones dhe Ashton Kutcher
Ata u njohën në vitin 1998, ndërsa lidhja e tyre ka zgjatur tri vjet. Aktorja e ka falënderuar Kutcherin për kohën e përbashkët, sepse e kishte mbështetur në karrierë.
Macaulay Culkin dhe Mila Kunis
Gruaja e tanishme e Kutcher, Mila Kunis, ka pasur një romancë afatgjate me aktorin e “Home Alone”, me të cilin ka qenë e lidhur për tetë vite, para se të ndaheshin në vitin 2011.
Shia LaBeouf dhe Rihanna
Aktori dhe këngëtarja kanë pasur një lidhje të shkurtë në vitin 2007. LaBeouf ka treguar se pasioni nuk kishte zgjatur dhe ata kishin mbetur miq.
Kim Kardashian dhe Nick Lachey
Po, ata kanë qenë të lidhur shkurt në vitin 2006, gjë të cilën Lachey e kishte konfirmuar. Të dy yjet tash janë të martuar me partnerë të tjerë.
Kate Hudson dhe Dax Shepard
Nga miq, u bënë të dashur, por lidhja e tyre zgjati vetëm disa muaj, sepse e kuptuan se më mirë funksionojnë si miq.
Jo shumë kohë pas ndarjes Shepard e takoi gruan e tanishme, Kristen Bell, me të cilën u martua në vitin 2013 dhe kanë dy vajza së bashku. Hudson është në lidhje me Danny Fujikawa, me të cilin u bënë prindër të një vajze në vitin 2018.
Britney Spears dhe Kevin Federline
Britney dhe Kevin u martuan në vitin 2004 dhe kanë dy djem bashkë. Lidhja e tyre ishte shoqëruar me probleme të shumta, ndërsa shkurorëzimi i tyre në vitin 2006 ishte turbulent.
Ryan Gosling dhe Sandra Bullock
Në periudhën 2002-2003, Ryan Gosling ka qenë në lidhje me kolegen nga filmi “Murder by Numbers”, Sandra Bullock. Ajo është 16 vjet më e moshuar se aktori.
Miley Cyrus dhe Nick Jonas
Dy këngëtarët ishin akoma fëmijë kur kishin qenë në lidhje në vitin 2006, ndërsa lidhjen e tyre e ka konfirmuar Miley.
“Nick dhe unë jemi dashur. Gjatë atyre dy viteve ishim bashkë praktikisht 25 orë në javë”, ka treguar Cyrus, e cila ka qenë 15 vjeçe kur ishte lidhur me Nick.
Tom Cruise dhe Sofia Vergara
Aktorja, e cila aktualisht është në një martesë afatgjate me Joe Manganiellon, në vitin 2005 kishte pasur një lidhje me aktorin e famshëm hollivudian.
/Telegrafi/
Lufta Prigozhin - Putin
Më shumëNga Rubrika
Rita Ora tregon fizikun e shkëlqyer në një paraqitje sportive në TikTok
Gjykata Rumune vendos për Andrew Tate – ai do të përballet me gjyq për akuzat e trafikimit seksual dhe përdhunimit
Kim Kardashian e ftuar nderi në Shtëpinë e Bardhë, pritet nga zëvendëspresidentja Kamala Harris për të diskutuar mbi reformën në drejtësi penale
Blero ndahet përfundimisht nga e dashura e tij
Sara Hoxha befason me deklaratën: S'kam qenë kurrë bashkëshortja e Ledri Vulës
U hodh në gjyq, Olsi Bylyku "godet" Top Channel: Ikonat si Arbana, Alban Dudushi iu larguan - gjersa kolegët në TV Klan kanë ndërtuar perandori
Një takim mes Massimilianos dhe Heidit në Big Brother VIP Albania 3? Veprimi i ish-partnerit të saj në Grande Fratello ngre dyshimet
Kim Kardashian e ftuar nderi në Shtëpinë e Bardhë, pritet nga zëvendëspresidentja Kamala Harris për të diskutuar mbi reformën në drejtësi penale
Ish-banorja e BBVA 2, Jori Delli vjen atraktive në pozat e reja nga pushimet në Dubai
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë