Chelsea është vënë pas portierëve të La Ligas, ndërsa Kepa Arrizabalagai i Athletic Biolbaos është portieri i pëlqyer i radhës.
Sipas medieve spanjolle klubi anglez është gati të paguajë 80 milionë euro që është edhe klauzola e tij, pasi Thibaut Courtois është duke kërkuar me forcë të bashkohet me Real Madridin.
Klubi i Athletic Bilbaos ka thënë se nuk pranon asnjë ofertë për Kepan, që i bie se vetëm pagesa e klauzolës së tij do ta lironte.
Kepa Arrizabalaga (Getty Images)
Chelsea është gati që ta paguajë klauzolën e tij.
Marrëveshja mund ta thyej rekordin e klubit të vitit të shkuar kur Chelsea nënshkroi me Alvaro Moratan për 65 milionë euro nga Real Madridi.
Kepa po ashtu mund të bëhet portieri më i shtrenjtë në histori, duke e thyer rekordin e Alissonit që u ble për 73 milionë euro.
Kepa Arrizabalaga mund të bëhet më i shtrenjti në botë (Getty Images)
Real Madridi është gati të paguajë për Courtois rreth 35 milionë euro ndërsa pjesa e tjetër për blerjen e Kepas, do të sigurohet nga klubi.
Chelse po ashtu është duke e shqyrtuar edhe mundësinë e blerjes së Jan Oblak nga Atletico Madridi për 100 milionë euro. /Telegrafi/
