Roli i Charlize Theron si Furiosa në “Mad Max: Fury Road” është pa dyshim ikonik dhe me shumë ndikim në kulturën popullore, por a e dini se aktorja e ka rruajtur kokën vetë?

Në përvjetorin e pestë të filmit të drejtuar nga George Miller, Theron ka shpërndarë momentin epik që e transformoi atë në një ‘vajzë rrebele’.

Aktorja ka ndarë një video mbrëmë për nder të një shfaqjeje të “Mad Max: Fury Road”, të cilin e shikoi nga shtëpia në një ekran të madh.

Charlize Theron (Foto: Instagram)

Theron mbajti këtë eveniment për të mbledhur para për ‘Charlize Theron Africa Outreach Project’, ku investuan në organizata që promovojnë arsim, shëndetësi dhe mbështetje të komunitetit për fëmijët në Afrikë.

Të pranishmit në shfaqje do të jenë mysafirë të veçantë duke marrë parasysh që secila biletë kushtonte 1000 dollarë.

Së bashku me Q&A dhe shfaqjen me Theron, ata do të trajtohen në një darkë të shijshme.

Kjo gjë erdhi pasi pandemia e coronavirusit ka detyruar që kinematë të mbeten të mbyllura për katër muajt e fundit.

View this post on Instagram

In honor of our @ctaop drive-in screening of Mad Max tonight, throwing it back to the point of no return with creating Furiosa. A huge thank you to @thegrovela and @CHCre8tive for making tonight happen! So excited to see this movie on the big screen again 🚘 🍿 🎥

A post shared by Charlize Theron (@charlizeafrica) on Jul 31, 2020 at 12:44pm PDT

Regjisori George Miller i tha New York Times në maj se Theron nuk do të rishikojë më rolin e Furiosa sepse filmi do të ndjekë një version më të ri të personazhit.

“Mad Max” filloi në 1979, e ndjekur nga “Mad Max 2” në 1981 dhe “Mad Max Beyond Thunderdome” në 1985.

“Mad Max: Fury Road” fitoi gjashtë çmime ‘Oscar’ në vitin 2016. /Telegrafi/

Charlize Theron (Foto: Cinema Blend)