Çfarë i duhet Milanit për t’u kualifikuar në Ligën e Kampionëve

Me humbjen e Romës dhe Atalantas, Milanit i duhet vetëm një pikë kundër Juventusit për t’u kualifikuar në Ligën e Kampionëve.

Skuadrat që do të luajnë në garën më të madhe evropiane tani po bëhen të qarta, pasi fituesit të titullit Napolit, i ishte bashkuar edhe Lazio, ndërsa këtë gjë e bëri edhe Interi të shtunën në mbrëmje.

Ka mbetur vetëm një vend dhe Milani mund ta arrijë sot me vetëm një pikë kundër Juventusit.

Kjo për shkak se ata mundën Bianconerët 2-0 në tetor, kështu që një barazim do t’u jepte atyre një rekord superior ballë për ballë.

Lexo po ashtu Eksod te Milani, shtatë lojtarë pritet të largohen gjatë verës

Sigurisht, kjo është e mundur sepse Juventusit iu hoqën 10 pikë për rritjen artificiale të tarifave të transferimeve për të rritur fitimet kapitale, duke i çuar ata nga vendi i dytë me 69 pikë në të shtatë me 59 pikë.

Për shkak të rekordit ballë për ballë, Milani mund të humbasë nesër nga Juventus me një gol dhe të kualifikohet për në Ligën e Kampionëve për sa kohë ata marrin të paktën një pikë kundër Hellas Verona në xhiron e fundit.

Lexo po ashtu Çfarë i duhet Juventusit për t'u kualifikuar në Ligën e Kampionëve pas zbritjes së 10 pikëve?

Një tjetër alternativë për kuqezinjtë do të ishte humbja ndaj Juves dhe Veronës , por gjithsesi do të kalojnë nëse bardhezinjtë nuk arrijnë të mposhtin Udinese në ndeshjen e fundit të sezonit./Telegrafi/