Azet – artisti i rekordeve në kryeqytet po rikthehet në “Zone Club”

Reperi i mirënjohur shqiptar që jeton në Dresden të Gjermanisë, i njohur si AZET erdhi për të performuar në Prishtinë. Por ardhja dhe performanca e tij nuk ishin aspak të zakonshme. Performanca e tij ishte ‘tërmeti më i madh’ i jetës së natës në kryqytet. AZET i tejkaloi të gjitha pritjet. Ishin më shumë se 4000 njerëz që prisnin në radhë për të hyrë në ZoneClub, për ta parë atë.

Dhe natyrisht se një natë e tillë, e rekordeve, duhet përsëritur, sepse kërkesa e publikut është e pandërprerë që një natë e tillë të përsëritet. Dhe kjo do të ndodhë të dielen. Azet po rikthehet në Zone Club këtë fundjavë, për ta përsëritur ose bërë bujë edhe më të madhe sesa herën e kaluar në klubin më ikonë të natës në Kosovë.

Kush është Azet?

Granit Musa i njohur për publikun si Azet i cili ka prejardhje nga Prishtina, ka filluar karrierën si reper në shkollë fillore pasi ka takuar reperin gjerman NASH, dhe të dy kanë themeluar ekipën e reperëve KMN.

Në skenën gjermane, për herë të parë u bë i njohur me Patte Fliesst, këngë që u bë hit në Gjermani dhe zuri vend të rëndësishëm në top listat muzikore. Megjithatë, suksesi më komercial i AZET është ‘Nummer 1’, bashkëpunim me Zuna dhe Noizy, hit ky që morri medaljen e artë në toplistat gjermane.

Albumi debutues i AZET Fast Life u lansua më 20 mars, 2018 dhe menjëherë arriti pozitat kryesore në listat e këngëve gjermane, austriake dhe zvicerane. Të dielën më 12 gusht, AZET po rikthehet në Zone Club për koncertin e dytë në Prishtinë. /Telegrafi/

E Diel | 29.07 @zoneclub • AZET @kmn_azet . #çelivera #zoneclub #zoneisbig #sunday #azet #pm #summerzone #summerseason

A post shared by Z⭕️NE CLUB (@zoneclub) on Jul 30, 2018 at 11:58am PDT