Coca Cola heq dorë nga reklamat në mediat sociale, në 30 ditët e ardhshme

Coca Cola tha të premten se do të heqë miliona dollarët e saj të reklamave nga të gjitha platformat e mediave sociale plotësisht për 30 ditët e ardhshme.

“Nuk ka vend për racizëm në botë dhe nuk ka vend për racizëm në median sociale”, tha CEA i Coca Cola dhe Kryetari, James Quincey në një prononcim për CNBC, transmeton Telegrafi.

Kur u pyetën nëse do të bashkoheshin me mbi 100 reklamues të tjerë, kompania nuk pranoi, por përkundrazi tha “ne po ndalemi”.

Më parë Facebook është tronditur kur shumë kompani janë tërhequr nga ky rrjet social, si pasojë e asaj se brenda këtij komuniteti ka shumë racizëm.

Por është e qartë se ndryshimet që Zuckerberg i njoftoi nuk janë të mjaftueshme. Kompania e tij ka ‘rënë’ në zjarr, sepse ka lejuar përmbajtje raciste ose urrejtje, së bashku me postime nga politikanë si presidenti Donald Trump që rrjetet e tjera sociale kanë bllokuar ose etiketuar si “dhunë glorifikuese”.

Coca Cola harxhon mesatarisht 4 miliardë dollarë për reklama çdo vit.

Nëse kompania planifikon të nxjerrë nga ekuacioni mediat sociale për 30 ditë në të gjithë botën, do të jetë interesante të shihet se ku ata zgjedhin t’i shpenzojnë ato para. Reklama televizive? Apo ndoshta tabela? Ndoshta do të shpenzojë paratë shtesë në teknologjinë digjitale. /Telegrafi/