Zyrtarë të AC Milan vizitojnë Feronikelin

Klubin e Feronikelit e kanë vizituar sot disa menaxherë të akademisë së klubit të madh italian, A.C Milan.

“Menaxherët e akademisë “Milan Junior Camp”, Stefano Falghera dhe Massimiliano Sopranzi, vizituan klubin tonë me qëllim të bashkëpunimit në mes akademisë së futbollit “Milan Junior Camp” dhe shkollës së futbollit të KF Feronikelit”, thuhet në njoftimin e klubit.

Menaxheri gjeneral, Stefano Falghera, ka thënë nuk është rastësisht te klubi kampion.

“A.C Milan është për herë të parë në Kosovë. E them këtë pasi që kam dëgjuar se edhe më parë në emër të A.C Milanit ka folur dikush këtu në Kosovë. Nuk jemi rastësisht këtu në Drenas, në klubin tuaj. Ardhja jonë këtu vjen pas sugjerimeve që morëm për ju si një klub serioz dhe mirë i organizuar. Qëllimi i kësaj vizite ka të bëjë me mundësinë e bashkëpunimit mes akademisë sonë, “Milan Junior Camp”, dhe akademisë KF Feronikeli”.

Edhe kryetari i klubit te Feronikelit, Ekrem Elshani, i falënderoi përfaqësuesit e klubit italian.

“Për klubin e Feronikelit është nder dhe privilegj që një klub i madh e me traditë, siç është A.C Milan, të na vizitojë dhe shpreh gatishmërinë për bashkëpunim”.