David Villa është pensionuar edhe zyrtarisht nga futbolli.

Sulmuesi spanjoll njoftoi se karrierës së tij profesionale i ka ardhur fundit dhe po largohet nga sporti më i bukur në botë.

Villa ka thënë se ka vendosur që ta përfundojë karrierën e tij 19-vjeçare në futboll, por që do të vazhdojë të ketë lidhshmëri me futbollin.

“Pas 19 vitesh si një profesionist, kam vendosur të pensionohem nga futbolli në fund të sezonit”, ka thënë sulmuesi spanjoll.

“Faleminderit të gjithë trajnerëve dhe bashkëlojtarëve që më kanë lejuar ta shijojë këtë nivel të karrierës. Faleminderit familjes time, që ka qenë gjithmonë aty për të më mbështetur”, ka shtuar më tej spanjolli.

Gjatë karrierës së tij, Villa ka fituar një Kupë të Botës, një Kupë Evropiane, tri La Liga, dhe një Ligë të Kampionëve, derisa kishte shënuar 376 gola. /Telegrafi/