Jordi Alba do të vazhdoj të mbetet pjesë e Barcelonës edhe për shumë vite të tjera.

Mbrojtësi i majtë spanjoll edhe zyrtarisht ka vazhduar kontratën me klubin e tij të fëmijërisë, Barcelonën.

29-vjeçari do të jetë pjesë e Barcelonës deri në vitin 2024, atëherë kur do t’i mbushë 34 vite.

Me kontratën e re Alba do të ketë edhe një klauzolë largimi, që është nj shumë e çmendur prej 500 milionë eurove.

Lajmin për vazhdimin e kontratës së mbrojtësit e ka bërë vetë klubi katalunas nëpërmjet ueb faqes së tyre zyrtare.

Jordi Alba. (Foto; David Ramos/Getty Images/Guliver)

Por Barcelona ka njoftuar se gjatë ditëve të ardhshme do të ketë një konferencë për shtyp ku Alba do të nënshkruajë rinovimin e kontratës.

Alba e kishte filluar karrierën e tij te Barcelona, por gjatë vitit 2005 u largua në drejtim të Cornellas dhe pastaj te Valencia.

Në vitin 2012 Barcelona e riktheu në Camp Nou mbrojtësin duke paguar 14 milionë euro skuadrës nga Mestalla. /Telegrafi/