Eden Hazard e ka një vend të sigurt në formacionin startues të skuadrës së Real Madridit.

Belgun do ta shohim në krahun e majtë të sulmit të klubit madrilen ashtu sikurse te ish-klubi i Chelseat.

Kjo do të thotë se sulmuesi i talentuar, Vinicius Jr., duhet të zhvendoset në ndonjë pozitë tjetër te Los Blancos.

Vinicius Junior (Foto: Gonzalo Arroyo Moreno/Getty Images/Guliver)

Marca raporton se trajneri Zinedine Zidane është duke e provuar brazilianin në krahun e djathtë të sulmit dhe se për momentin po jep rezultate pozitive.

Francezi nuk ka asnjë dyshim në të ardhmen e ndritur të futbollistit, “Ai është një ‘bishë’, ai është fizikisht mbresëlënës, fillimin dhe frenimin e ka spektakolar. Natyrisht, ai duhet të përmirësohet, por është më lehtë të punosh në realizimin e golave me një lojtar sesa në aspekte tjera”.

Katër lojtarë të Real Madridit në garë për çmimin 'Djaloshi i Artë' Katër lojtarë të Real Madridit në garë për çmimin 'Djaloshi i Artë'

Theksojmë se në vitet e fundit në këtë krah janë paraqitur tre futbollistë – Gareth Bale, Lucas Vazquez si dhe Marcos Asensio, të cilët nuk kanë përmbushur pritshmëritë e strategut francez.

Ndryshe, Zidane do të ketë edhe problem për qendrën e sulmit pasi tash ka në dispozicion tre lojtrarë, Luka Jovic, Karim benzema si dhe Rodrygo. /Telegrafi/