Granit Xhaka ka folur për mediat para ndeshjes së yjeve mes skuadrës së tij dhe asaj të Milot Rashicës.

Kjo ndeshje është organizuar nga Komuna e Prishtinës ku të ardhurat do të shkojnë për bamirësi.

Njëri nga futbollistët shqiptarë më të suksesshëm, Granit Xhaka ka folur fillimisht për pushimet që i kalon në Kosovë.

“Pushimet fillimisht i kaloj në Prishtinë me familje, ndihem shumë mirë kur vij këtu kam shumë shoqëri”, u shpreh Xhaka.

Ronaldo dhe Xhaka (Foto: Granit Xhaka/Instagram)

Tutje kapiteni i Përfaqësueses së Zvicrës ka folur edhe për Milot Rashicën që ka pasur një sezon madhështor te Bremen si dhe për ndeshjen Angli – Kosovë.

“Unë besoj se Miloti ka pasur një sezon fantastik me Werderin, me gola dhe asistime. Edhe në lojën e fundit me Kosovën ka shkëlqyer. Do të jem prezent në Angli për ta shikuar ndeshjen Angli – Kosovë, shanset janë shumë të mira shpresoj të ia arrijnë qëllimit”.

E në fund Graniti tha se nëse do të luante kundër Kosovës do ta ketë edhe më vështirë.

“Ka qenë shumë vështirë kur kemi luajtur kundër Shqipërisë, në veçanti kundër vëllait tënd por me Kosovën do të jetë edhe më e vështirë”, përfundoi Xhaka. /Telegrafi/