Taulant Xhaka është njëri nga lojtarët më popullor shqiptar që bënë karrierë në Evropë.

I lindur dhe rritur në Zvicër, Taulanti nuk është larguar asnjëherë nga kampionati helvetik edhe pse ofertat nuk munguan asnjëherë për të.

27-vjeçari ka qenë vetëm për një stinor larg Baselit, i huazuar tek Grashoppers në stinorin 2012-2013.

Xhaka ka konfirmuar se do ta mbyllë karrierën te Baseli, pasi ndihet mirë në Zvicër.

Taulant Xhaka (Foto: Alexander Scheuber/Getty Images/Guliver)

“Baseli është klubi i zemrës sime, këtu jam në shtëpi dhe ndjehem shumë mirë”.

“Nuk e kam të detyruar të dalë jashtë Zvicrës për ta vazhduar karrierën, pasi te Baseli dua ta mbyllë”, ka thënë Xhaka për Blick.

Reprezentuesi i Shqipërisë ka zhvilluar 222 ndeshje zyrtare me Baselin dhe synon të bëhet rekordmen i klubit duke kaluar Cecceronin që ka 452 ndeshje zyrtare me klubin.

“Unë jam vetëm 27-vjeçar dhe nuk është e pamundur ta thyej këtë rekord. Më duhen 30 ndeshje në vit deri në fund për ta arritur këtë rekord. Të bëhesah rekordmen i Baselit do të ishte një ëndërr për mua”, u shpreh Taulanti.

(Foto: Mike Hewitt/Getty Images/Guliver)

Aktualisht Baseli ka mbetur mbrapa luftës për titull, me Young Boysin që është lider dhe 19 pikë para.

Por sipas Xhakës asgjë nuk ka përfunduar dhe se ai me shokët e tjerë të ekipit nuk do të dorëzohen deri në fund për të luftuar për titull. /Telegrafi/