Idriz Voca mund të largohet nga Luzerni gjatë afatit kalimtar veror.

Mesfushori qendror ka pasur një sezon mjaftë të mirë me fanellën bardh e kaltër në Superligën e Zvicrës.

Në 36 ndeshje zyrtare mes kampionatit e Kupës, Voca ka shënuar një gol dhe ka bërë pesë asistime.

Falë paraqitjeve të mira, mesfushori kosovar është duke u kërkuar nga skuadra italiane Sassuolo.

Mediat zvicerane kanë raportuar se Sassuolo i ka bërë ofertë Vocës i cili ka dhënë dritën e gjelbër për transferimin në Serie A.

Tani i mbetet dy klubeve të arrijnë një marrëveshje përfundimtare për transferimin e mesfushorit kosovar.

Vlera aktuale e Idriz Vocës në tregun e transferimeve është tre milionë euro, derisa lojtari ka kontratë me klubin zviceran deri në qershor të vitit 2021. /Telegrafi/