Kriptomonedha më e madhe në botë Bitcoin, ra me 11 për qind nën kufirin e 10 mijë dollarëve për herë të parë pas dy javësh pasi senatorët amerikanë u shprehën kundër planeve të Facebookut për kriptovalutën Libra.

Aktualisht Bitcoin vlerësohet me 9,500 dollarë, një rënie me 11 për qind në 24 orët e fundit.

Rënia vjen pak pasi David Marcus, shefi i Blockchain në Facebook që do të mbikëqyrë edhe projektin Libra, u përgjigj përpara Komitetit Bankar të Senatit.

Ligjvënësit amerikanë kërkojnë të ndërpritet projekti i kriptovalutës 'Libra' (Dokument) Ligjvënësit amerikanë kërkojnë të ndërpritet projekti i kriptovalutës 'Libra' (Dokument)

Gjatë dëshmisë së Marcus, senatorët amerikanë thanë se Facebook mund të jetë çmendur të besojë se njerëzit kanë për të përqafuar kriptovalutën Libra si para zyrtare.

Libra u prezantua në ditët e para të muajit qershor dhe menjëherë ndikoi në rritjen e vlerës së Bitcoinit që ngrit deri në 14 mijë dollarë.

Megjithatë komentet negative të politikanëve dhe autoriteteve financiare në mbarë botën në lidhje me Libra bënë që edhe vlera e Bitcoin të luhatej vazhdimisht.

Bie vlera e Bitcoinit pas akuzave të Presidentit Trump për kriptovalutën Libra Bie vlera e Bitcoinit pas akuzave të Presidentit Trump për kriptovalutën Libra

Po ashtu, vlera e Bitcoinit ra pas kritikave të presidentit të Shteteve të Bashkuara të Amerikës, Donald Trump për kriptovalutat, veçanërisht për kriptovalutën Libra. /Telegrafi/