Që të dy janë pjesë e sporteve kolektive, por nuk janë në sportin e njëjtë. Përderisa Shqipja 25-vjeçare, është hendbolliste - Petriti 21-vjeçar, është portier i futbollit. Që të dy ndihen krenarë që janë sportistë kulminantë, pasi vijnë nga një familje sportive.
E ëma e tyre ka qenë hendbolliste, derisa babai një entuziast i madh i sportit, i cili ka ndihmuar disa herë skuadrat nga Vushtrria.
Përkrahja nga prindërit është e madhe kurse babai i tyre në disa raste është treguar edhe si trajner për Shqipen e Petritin, pasi ka dashur që ata të jenë të suksesshëm në karrierën dhe sportin që e zgjedhin.
