Manchester City ka kohë që po e kërkon transferimin e Milan Skriniar nga Interi.

Mbrojtësi sllovak po kalon nëpër një formë të lartë te Nerazzurët që disa sezone, duke zgjuar interesimin e shumë skuadrave evropiane.

Por, sipas asaj që raporton The Indepedent, Manchester United është futur seriozisht në garë për Skriniarin.

Ole Gunnar Solskjaer dëshiron të përforcojë fazën defanzive dhe anëtari i Interit është në krye të listës së dëshirave të tij.

Si norvegjezi, edhe Pep Guardiola është një admirues i madh i lojës së Skriniar dhe po tenton transferimin e tij në Etihad.

Interi do të lejonte largimin e mbrojtësit vetëm nëse pranojnë mbi 80 milionë euro për kartonin e tij.

Duket se një garë e nxehtë mes dy rivalëve lokal do të zhvillohet në këtë verë, mirëpo ende nuk dihet për dëshirën e lojtarit nëse dëshiron të largohet apo të qëndrojë në Giueseppe Meazza. /Telegrafi/