LAJMI I FUNDIT:

U mbajt video-konferenca e dytë e UEFA-s me 55 anëtaret e saj, FFK zbulon detajet

U mbajt video-konferenca e dytë e UEFA-s me 55 anëtaret e saj, FFK zbulon detajet

Mbrëmë (e martë) është mbajtur video-konferenca e dytë e UEFA-s me 55 federatat e saj anëtare, me pjesëmarrjen e Sekretarëve të Përgjithshëm, e ku FFK-në e përfaqësoi Sekretari i Përgjithshëm, Eroll Salihu, teksa konferencën e ndoqi edhe presidenti Agim Ademi.

Fillimisht të gjitha federatat anëtare i përshëndeti presidenti i UEFA-s, Aleksander Ceferin, i cili i falënderoi ato për masat e ndërmarra në luftimin e pandemisë Covid-19 dhe për kujdesin e treguar ndaj komunitetit të futbollit.

Gjatë kësaj video-konference UEFA bëri të qartë se duhet bërë të gjitha përgatitjet për rifillimin e garave, derisa u diskutuan edhe opsionet e ndryshme në lidhje me kalendarin e garave në vazhdim.

Tema e parë e diskutimit ishte zhvillimi i ndeshjeve të Kombëtareve në UEFA Nations League në muajt shtator, tetor dhe nëntor, si dhe ndeshjet e ‘play-off’-it për Kampionatin Evropian. Fillimisht ishte paraparë që ndeshja Maqedoni e Veriut – Kosovë dhe ndeshjet e tjera të “play-off”-it të luheshin në shtator, por të gjitha federatat pjesëmarrëse të këtij ‘play-off”-i e shprehën qëndrimin e tyre që ato të luhen në tetor ose nëntor, për çka tashmë i mbetet Komitetit Ekzekutiv të UEFA-s që në mbledhjen që do të mbajë të enjten të del me qëndrimin përfundimtar.

UEFA vazhdon të kërkojë që kampionatet të zhvillohen, por hap rrugë edhe për mbyllje të parakohshme në ‘raste të veçanta’
Lexo po ashtu UEFA vazhdon të kërkojë që kampionatet të zhvillohen, por hap rrugë edhe për mbyllje të parakohshme në ‘raste të veçanta’

Temë e dytë e diskutimit ishte çështja e rifillimit të kampionateve dhe ndeshjet para-kualifikuese për edicionin e ri në Ligën e Kampionëve dhe Ligën e Evropës. Me këtë rast, UEFA u dha afat federatave anëtare të saj që kampionatet t’i përfundojnë më së largu deri më 20 korrik. Prandaj, tashmë Federata e Futbollit e Kosovës do të fillojë përgatitjet për rifillimin e garave, por normalisht se për këtë çështje do të ketë konsultime të vazhdueshme me Institutin Kombëtar të Shëndetësisë Publike dhe me Ministrinë e Shëndetësisë dhe atë të Sportit.

Gjithsesi, rifillimi i kampionatit të Kosovës, por edhe vendeve tjera të regjionit do të varet nga ecuria e pandemisë Covid-19 dhe gjendja e përgjithshme e shëndetësisë në vend.

FFK do t’i njoftojë klubet me kohë lidhur me vendimin për rifillimin e garave dhe do t’i japë atyre kohën e mjaftueshme për t’u përgatitur përpara se të rinisin garat.

Gjatë kësaj video-konference është diskutuar edhe çështja e futbollit të femrave, si dhe e grupmoshave U-21, U-19 dhe në futsall, ku shumica e ndeshjeve pritet të shtyhen, por disa do të luhen në kohë të përshtatshme.

Liga e Kampionëve pritet të zhvillohet dhe të përfundojë brenda muajit gusht
Lexo po ashtu Liga e Kampionëve pritet të zhvillohet dhe të përfundojë brenda muajit gusht

U bisedua edhe çështja e afatit kalimtar dhe vazhdimit të kontratave, ku FIFA si kompetente për statusin e lojtarëve sugjeroi fuqishëm vazhdimin e kontratave përtej qershorit, duke i ftuar klubet dhe futbollistet të gjejnë mirëkuptim ndërmjet vete.

Ajo çfarë është me rëndësi për UEFA-n dhe anëtaret e saj është që Liga e Kampion ëve dhe Liga e Evropës të vazhdojnë, pasi janë burimi kryesor i të ardhurave dhe në rast të ndërprerjes atëherë do të rrezikohej e tërë struktura e UEFA-s dhe programi zhvillimor i federatave ‘HatTrick’.

Ndeshjet fillimisht është paraparë të zhvillohen pa praninë e shikuesve dhe më pas varësisht prej rrethanave do të merren vendimet e reja.

Në trend Sport

Më shumë
“Ky ishte afati im”, Xabi Alonso konfirmon zyrtarisht vendimin për të ardhmen

“Ky ishte afati im”, Xabi Alonso konfirmon zyrtarisht vendimin për të ardhmen

Bundesliga
Liga Premier mund të marrë gjashtë vende në Ligën e Kampionëve sezonin e ardhshëm

Liga Premier mund të marrë gjashtë vende në Ligën e Kampionëve sezonin e ardhshëm

Liga e Kampionëve
Arsenali identifikon sulmuesin 24-vjeçar si nënshkrimin e parë të verës

Arsenali identifikon sulmuesin 24-vjeçar si nënshkrimin e parë të verës

Premier League
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Anis Mehmeti vendimtar, shënon supergol në fitoren ndaj Leicester Cityt

Anis Mehmeti vendimtar, shënon supergol në fitoren ndaj Leicester Cityt

Ligat tjera
Kalo në kategori