Pas humbjes nga Southamptoni, trajneri i Chelseat, Thomas Tuchel, ka thënë se është shumë lehtë ta mposhtësh skuadrën e tij.

Blutë pësuan humbjen e dytë sezonale (2-1) në xhiron e pestë të Ligës Premier, duke pranuar dy gola, përkundër se Raheem Sterling kishte realizuar i pari.

“Nuk e di nëse ‘shqetësim’ është fjala e duhur. Mua nuk më pëlqen aspak të humb, është hera e dytë këtë sezon dhe nuk mendoj se është vështirë që të na mposht dikush dhe kjo nuk më pëlqen”, ka thënë gjermani për BT Sport.

(Foto: Twitter/Southampton FC)

Në një prononcim tjetër për BBC Sport, Tuchel është shprehur: “Është shumë lehtë të na nxjerrësh nga baraspesha, të na mposhtësh, të na hutosh. Është shumë lehtë. Ndodhi ndaj Leeds. Duhet ta kuptojmë pse dhe të gjejmë zgjidhje”.

Reklama
Reklama
Southamptoni fiton me përmbysje ndaj Chelseat Southamptoni fiton me përmbysje ndaj Chelseat

Humbja ishte e rëndë për Blutë, pasi në rast se Arsenali fiton ndaj Aston Villas nesër (e mërkurë) do të krijojë diferencë prej tetë pikësh ndaj rivalit londinez. /Telegrafi/