Southamptoni është kthyer nga disavantazhi për ta mposhtur Chelsean (2-1) në ndeshjen e xhiros së pestë në Ligën Premier, e cila u zhvillua në St. Mary’s Stadium.

Reklama

Rezultati u zhbllokua në minutën e 23-të kur Raheem Sterling reagoi mirë në zonë duke pranuar një top të vështirë, duke krijuar hapësirë për t’i kaluar mysafirët në epërsi.

Reagimi i vendasve ishte i shpejtë duke e barazuar rezultatin me një gol të bukur nga Romeo Lavia (28’).

(Foto: Twitter/Chelsea FC)

Para se të shkonin në pushim, nikoqirët e përmbysën rezultatin me golin e Adam Armstrong (45’+1), i cili u asistua nga Romain Perraud.

Reklama

Gjysma e dytë nuk prodhoi gola dhe skuadra vendase arriti të marrë pikë të plota nga kjo përballje.

Southamptoni e ka barazuar Chelsean me pikë (nga shtatë) dhe këto dy skuadra i mbajnë pozitat shtatë dhe tetë në tabelë. /Telegrafi/

Reklama