Tri gjëra u vunë re në stërvitjen e parë të Milanit – një tifoz ‘vodhi’ spektaklin

Milani ka filluar stërvitjet e tyre parasezonale, dhe janë spikatur tre gjëra në Milanello.

Lojtarët e Stefano Piolit u kthyen në stërvitje, vetëm një muaj pasi siguruan Scudetton e 19-të. Jo të gjithë lojtarët u paraqitën në terrenin stërvitor të klubit pasi ata që ishin në ndeshjet ndërkombëtare në fund të 2021-2022 janë ende duke shijuar ditë shtesë pushimi.

Fytyra të reja

Nënshkrimi i ri Yacine Adli ishte ndër fytyrat e reja te Milanello së bashku me Tommaso Pobega, i cili është kthyer nga huazimi te Torino. Adli nënshkroi me Milanin në një marrëveshje prej 10 milionë euro një vit më parë, por mbeti në huazim te Bordeaux për 2021-22.

Curiosità per Adli #Milan pic.twitter.com/UljMhrzPPE

— Daniele Longo (@86_longo) July 4, 2022

Olivier Giroud dhe Divock Origi do t’i bashkohen nesër bashkëlojtarëve, por ish-sulmuesi i Liverpoolit do të stërvitet i ndarë nga grupi për të paktën 10 ditë, duke u rikuperuar ende nga një lëndim muskulor.

Youns El Hilali, 19 vjeç, ishte ndër të rinjtë që u bashkuan me skuadrën e parë dhe shënoi golin e parë të sezonit në një ndeshje stërvitore.

Këtu është lista e lojtarëve që u stërviten në Milanello :

Portierë: Jungdal, Tatarușanu; Mirante;

Mbrojtësit: Coubis, Bartesaghi, Gabbia, Incorvaia, Michelis, Nsiala, Stanga, Kjaer, Caldara;

Mesfushorët: Pobega, Brescianini, Adli, Eletu, Bakayoko, Gala;

Sulmuesit: Castillejo, Brahim Díaz , El Hilali, D. Maldini, Rebic, Roback, C. Traore.

View this post on Instagram

A post shared by Antonio Vitiello (@anto.vitiello)

Pritja nga tifozët

Mijëra tifozë mirëpritën kuqezinjtë në Milanello në ditën e tyre të parë të stërvitjes.

Kampionët e Serisë A kishin një pritje mahnitëse nga ultrasit e tyre, të cilët përdorën fishekzjarrë dhe pankarta për të mirëpritur heronjtë e tyre.

Është bërë virale një foto e një tifozi të Milanit me fanellën e Radu. Portieri i Interit bëri një gabim vendimtar kundër Bolognas sezonin e kaluar, duke i lejuar kuqezinjtë të qëndrojnë në krye të tabelës dhe përfundimisht të fitojnë titullin në kurriz të rivalëve të tyre të qytetit.

Decine di tifosi già a Milanello per il raduno del #Milan.
▪️previsione azzardata: 5.000 tifosi
▪️presente anche Gazidis
▪️allenamento aperto alle 11.15, conferenza Pioli alle 15
presentazione nuova maglia (non quella di Radu… 👇) pic.twitter.com/L8XBL7cdai

— luca bianchin (@lucabianchin7) July 4, 2022

Fjalimi i Maldinit për fansat

E fundit, por jo më pak e rëndësishme, të dy Paolo Maldini dhe Stefano Pioli folën për mediat. Trajneri ka mbajtur një konferencë për shtyp pas seancës stërvitore, ndërsa Maldini ka dhënë një intervistë për televizionin zyrtar të klubit.

Mbrojtësi legjendar i paralajmëroi lojtarët e tij se duhet të harrojnë festimet e titullit, duke kujtuar unitetin e ekipit që i ndihmoi ata të fitonin titullin sezonin e kaluar.

Maldini, Pioli dhe skuadra takuan një grup tifozësh pas seancës stërvitore. “Djemtë arritën diçka të jashtëzakonshme, por ne tashmë e kemi lënë pas”, deklaroi Maldini.

“Ne të gjithë jemi të fokusuar në objektivat për këtë sezon: të përpiqemi të fitojmë yllin e dytë dhe të jemi konkurrues”. /Telegrafi/

Maldini ai tifosi @cmdotcom pic.twitter.com/lPJapivxdU

— Daniele Longo (@86_longo) July 4, 2022