Tifozi i Manchester Unitedit vuri bast prej 60 mijë eurosh se Liverpooli do fitonte Ligën Premier

Shumë prej tifozëve të Manchester United nuk e kanë pritur mirë që Liverpooli është shpallur kampion i Ligës Premier.

Mirëpo është njëri prej Djajve të Kuq që ka festuar gjerë e gjatë, pasi ka arkëtuar plotë 100 mijë euro nga triumfi i The Reds.

Tifozi i United, Tony Ward kishte futur në bastore 60 mijë euro se Liverpooli do të shpallej kampion i edicionit 2019/20, duke parashikuar saktë një gjë të tillë.

Tony Ward, a Manchester United fan, staked his £55k life inheritance on Liverpool winning the league and wins £91k. (Credit: SWNS)

An example of separating loyalty from business acumen😆🤣👍 pic.twitter.com/Z8DxMV6Ojd

— Mobola (@Mowiththesauce) July 11, 2020

Skuadra që drejtohet nga Jurgen Klopp arriti të festonte titullin jo zyrtarisht, pas fitores 2-1 të Chelseat ndaj Manchester Cityt dhe Ward tani është i pasur për 40 mijë euro.

Ai ka zbuluar se 60 mijë eurot i kishte trashëguar nga nëna e tij që kishte ndërruar jetë në vitin 2017.

Edhe pse është tifoz i Manchester United, ai e kishte parë si mundësi të mirë që të fitonte +40 mijë euro, duke vënë bastin në muajin gusht të vitit 2019.

WE’RE PREMIER LEAGUE CHAMPIONS!! 🏆 pic.twitter.com/qX7Duxoslm

— Liverpool FC (Premier League Champions 🏆) (@LFC) June 25, 2020

“Liverpooli dukej se do të fitonte titullin në këtë edicion, Unë i zgjodha ata pas një debati të ashpër me disa bashkë tifozë dhe shokë të mi që mbështesim Man Unitedin”, ka thënë ai për Daily Mail.

“Ishte një garë mes vetëm dy skuadrave, Manchester Cityt dhe Liverpoolit, por unë jam tifoz i Manchester United që kur isha fëmijë”.

“Mirëpo, në këtë rast nuk duhej të lëshoja dhe vendosa të testoja vetën në paratë që kishte lënë nëna ime si trashëgimi për mua dhe ajo gjithmonë më kuptonte në këso raste”, ka shtuar më tej ai.

Liverpooli u shpall kampion pas më shumë se 30 vitesh dhe me të drejtë e ka merituar këtë triumf, pasi ishin skuadra më e mirë në këtë edicion. /Telegrafi/