LAJMI I FUNDIT:

Thaçi flet për gazetën zvicerane: I jemi gëzuar shqiponjës në botëror, me më shumë dëshirë do të donim që Xhaka, Shaqiri dhe të tjerët të luajnë për Kosovën

Thaçi flet për gazetën zvicerane: I jemi gëzuar shqiponjës në botëror, me më shumë dëshirë do të donim që Xhaka, Shaqiri dhe të tjerët të luajnë për Kosovën

Presidenti i Kosovës, Hashim Thaçi, e ka bërë shqiponjën për gazetën prestigjioze zvicerane “20 minuten”, e cila e kishte ndezur debatin në Zvicër rreth shqiponjës që futbollistët me prejardhje kosovare, Shaqiri, Xhaka dhe Behrami, e kishin bërë në Serbi.

Kjo prestigjioze zvicerane sot ka publikuar një intervistë të gjatë me presidentin Thaçi, të cilën e ka titulluar “I jemi gëzuar shqiponjës”, në ballinën e saj.

Thaçi për 20 minuten ka thënë se Kosova dhe Zvicra kanë raporte të shkëlqyera dhe pjesa më e madhe e diasporës sonë në botë jeton kryesisht këtu.

Mediumi prestigjioz zviceran ka folur me Thaçin edhe për bashkëjetesën e kosovarëve dhe serbëve që jetojnë në Zvicër, e cila pas lojës në mes Zvicrës dhe Serbisë ishte lëkundur.

“Sporti i bënë njerëzit bashkë. Mirëpo, kjo ndeshje ishte shumë emocionale”, ka thënë Thaçi, i cili është pyetur edhe nëse i pengon që Xhaka, Shaqiri dhe të tjerët luajnë për Zvicrën.

“Unë me gjithë dëshirë do të doja t’i shihja të luanin për ne. Mirëpo ne jemi të lumtur gjithashtu, që ata i shohim duke luajtur për Zvicrën. Vendimi ju takon atyre”.

“Unë i njoh familjet e tyre. Janë familje shumë të mira, që kanë pasur angazhim të madh për çështje kombëtare. Ne shumë mirë e kemi përjetuar shqiponjën dykrerëshe, gjatë shënimit të golave”, ka thënë Thaçi.

I pyetur nëse Zvicra është një model për Kosovën, Thaçi ka thënë se qëllimi ynë është të jemi Zvicra e Ballkanit.

“Prej bashkëjetesës në mes të shumë popujve, etnive të ndryshme e deri te zhvillimi ekonomik, mirëqenia dhe paqja”, ka thënë Thaçi.

Por, kreu i shtetit, ka thënë se pavarësisht se ku jetojnë, shqiptarët janë njësoj.

“Mirëpo, sigurisht se i gëzohem faktit se shqiptarët që jetojnë në Zvicër po integrohen ditë e më shumë. Ekipi zviceran i futbollit i ka në Kosovë përafërsisht dy milionë simpatizues. Është kënaqësi të gjithë këta njerëz (kosovarët nga Zvicra, shënim i redaksisë) gjatë verës t’i takosh dhe t’i përshëndesësh. Ata nuk sjellin me vete përvojë të çmueshme, por edhe të holla dhe investime”.

“Edhe pse gjenerata ngadalë po ndërrohet. Njëkohësisht, unë i gëzohem faktit se ata e kanë mundësinë të jetojnë një jetë dhe kanë një trajtim shumë të mirë”, ka thënë Thaçi.

Presidenti Thaçi është pyetur nga 20 minuten edhe për çmimet e larta të biletave të aeroplanëve nga Zvicra për Kosovë, e cila shpeshherë ishte edhe temë diskutimi në forumet zvicerane.

“Për sa i përket çmimeve të biletave, ne e kemi një treg të lirë dhe të pavarur. Oferta dhe kërkesa përcaktojnë çmimet. Mirëpo, ata që mashtrojnë me çmime, ata duhet të ndëshkohen në përputhje me ligjin. Në lidhje me mashtrimin jam i pakompromis, atë duhet luftuar”, ka thënë Thaçi. /Kosovapress/

Në trend Sport

Më shumë
“Ai na tha shumë qartë”, drejtori i Bayernit jep një përditësim të madh për të ardhmen e Kimmich

“Ai na tha shumë qartë”, drejtori i Bayernit jep një përditësim të madh për të ardhmen e Kimmich

Bundesliga
Lojtari i Arsenalit merr një 'kontratë rekord' që nuk është parë më parë në Emirates

Lojtari i Arsenalit merr një 'kontratë rekord' që nuk është parë më parë në Emirates

Premier League
Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Premier League
Konfirmohet dëshira e Neymar Jr për t’u rikthyer në Barcelonë

Konfirmohet dëshira e Neymar Jr për t’u rikthyer në Barcelonë

La Liga
Kalo në kategori