Komisioni i pavarur rregullator ka treguar arsyen pse Thomas Tuchel u dënua me një ndeshje, kurse Antonio Conte jo, pas përleshjes së tyre gjatë barazimit ndërmjet Chelseat dhe Tottenham Hotspurt.

Dy skuadrat londineze luajtën baras (2-2) në Stamford Bridge, ndërsa dy trajnerët patën tensione në dy situata që eskaloi në momentin e përshëndetjes pas përfundimit të takimit.

Trajneri i Spursave u gjobit me 15.000 funte (17.740 euro), por i shpëtoi suspendimit, derisa strategu i Bluve u gjobit me 35.000 funte (41.400 euro) dhe u pezullua për një ndeshje.

Në raportin e komisionit thuhet se ishte “Tuchel ai që nxiti konfrontimin mes tij dhe Contes duke zgjedhur të kapë dorën e këtij të fundit dhe ta tërheqë prapa pasi ai kishte kaluar pranë tij”.

Reklama
Reklama
Mbi Conte dhe Tuchel rëndon akuza për sjellje të pahijshme Mbi Conte dhe Tuchel rëndon akuza për sjellje të pahijshme

Tutje thuhet se nëse trajneri gjerman nuk do ta tërhiqte italianin, nuk do të ndodhte konfrontimi dhe zënka e mëpasme.

Shtrëngimi i duarve është dukuri e zakonshme në fund të ndeshje – thekson raporti – por askush nuk e ka obligim që ta shikojë tjetrin në sy derisa e bën këtë.

Mediat në Itali nxjerrin kuptimin e fjalëve që Conte ia tha Tuchelit gjatë përplasjes tensionuese në derbi Mediat në Itali nxjerrin kuptimin e fjalëve që Conte ia tha Tuchelit gjatë përplasjes tensionuese në derbi

“Kërkimi nga Tuchel që Conte ta shikonte në sy derisa ia mbajti dorën dhe nuk e lejoi Conte të vazhdonte tutje, ishte veprim shumë provokues. Conte u tërhoq pa dëshirë, në kuptimin e plotë të fjalës, në përballjen me Tuchel. Conte reagoi në mënyrë agresive ndaj këtyre veprimeve, por komisioni nuk e konsideroi atë se e kishte tepruar shumë duke pasur parasysh rrethanat”.

Reklama

“Derisa disa aspekte të sjelljes së Contes mund të konsideroheshin si të pahijshme, në të vërtetë ai pranoi po aq, komisioni e konsideroi Tuchelin si fajtor në masë të madhe për incidentin dhe njëzëri mendoi se kjo duhet të pasqyrohej qartë dhe përfundimisht në nivelin e sanksionit të vendosur ndaj tyre”, thuhet në raport. /Telegrafi/

Reklama
Fillimisht gjatë ndeshjes u konfrontuan, por as pas saj Tuchel dhe Conte nuk u qetësuan - gjyqtari i ndëshkoi dy strategët me kartonë të kuq Fillimisht gjatë ndeshjes u konfrontuan, por as pas saj Tuchel dhe Conte nuk u qetësuan - gjyqtari i ndëshkoi dy strategët me kartonë të kuq