Harry Maguire është lojtari më i ri, i cili i është shtuar listës së përforcimeve të Manchester Unitedit për mbrojtjen.

26-vjeçari u zyrtarizua si futbollist i Djajve të Kuq të hënën duke e ngritur shumë vlerën e shpenzimeve që ka bërë klubi anglez në transferimin e mbrojtësve.

Të gjitha lajmet nga Man Utd Të gjitha lajmet nga Man Utd

Që nga koha e Rio Ferdinand dhe Nemanja Vidic, Unitedi nuk ka arritur të gjejë një pikë reference në qendër të mbrojtjes, përkundër shpenzimeve të mëdha që i ka bërë.

(Foto: manutd.com)

Faza e mbrojtjes është duke u konsideruar si një prej pikave të dobëta të Djajve të Kuq, të cilët kanë investuar miliona euro gjatë kohës së Louis van Gaal dhe Jose Mourinho.

Daley Blind (17.5 milionë euro), Marcos Rojo 20 (milionë euro), Matteo Darmian (18 milionë euro), Luke Shaw 37.5 (milionë euro), Eric Bailly (38 milionë euro), Victor Lindelof 30 (milionë euro), Aaron Wan-Bissakka (55 milionë euro) dhe së fundmi Harry Maguire (rreth 90 milionë euro) – janë disa nga transferimet e viteve të fundit për fazën e mbrojtjes. /Telegrafi/