Sharon Stone sfidon vitet, në moshën 62-vjeçare pozon ‘topless’ për ndjekësit e saj në Instagram

Sharon Stone i la pak vend imagjinatës për 3.2 milionë ndjekësit e saj në Instagram me një postim që ajo publikoi në llogarinë e saj të dielën.

Në foto, aktorja 64-vjeçare e nominuar për “Oscar”, ka shfrytëzuar në maksimum një ditë me diell, ndërsa ka pozuar ‘topless’ dhe ka qeshur me të madhe gjatë fotografimit.

Ajo shtoi një mesazh të shkurtër në mbishkrimin e postimit të saj ku shkruhej: “Mirënjohëse e papërsosur në një ditë të përsosur”, shkruan DailyMail.

Stone mbuloi gjoksin e saj pjesërisht të dukshëm me një peshqir me vija jeshile dhe të bardha.

Aktorja e “Total Recall” kishte veshur edhe një palë bikini me dizajn leopardi, ndërsa pozonte për foton e Instagramit.

Ylli i shumë filmave i shtoi edhe më tepër shkëlqim dukjes me disa gjerdanë të gjatë të varur rreth qafës.

Flokët e saj bionde mbetën me rrjedhje të lirë dhe shkëlqenin në diellin rrezatues.

Stone gjithashtu publikoi një fotografi të djalit të saj të adoptuar Roan, 22 vjeç, në Instagramin e saj në të njëjtën ditë.

Në fotografi, Roan buzëqeshi gjerësisht teksa pushonte me një qen të ulur në prehrin e tij.

Aktorja e adoptoi Roanin me ish-bashkëshortin e saj Phil Bronstein, me të cilin u martua në vitin 1998.

Ish-çifti adoptoi fëmijën e tyre në vitin 2000, edhe pse përfundimisht ata u ndanë me një divorc i cili u finalizua në vitin 2004.

Stone vazhdoi të adoptonte një djalë tjetër të quajtur Laird Vonne vitin e ardhshëm, dhe ajo adoptoi gjithashtu një djalë tjetër të quajtur Quinn Kelly në jetën e saj në vitin 2006.

Aktorja diskutoi për jetën e saj prindërore gjatë një interviste me InStyle në vitin 2020, në të cilën tha se arritja e saj më e madhe ishte të qenit nënë.

Ylli i filmave theksoi: “Jam shumë krenare që jam nënë”.

Ajo u shpreh gjithashtu se ishte e lumtur që mund t’i kalonte fatkeqësitë në mënyrë që të kujdesej për djemtë e saj.

“Gjëja më e keqe që kam bërë ndonjëherë është të marr veten, të eci përpara dhe të vazhdoj me synimin tim si prind për t’i rritur fëmijët e mi mirë”, tha ajo.

Stone vazhdoi duke thënë se ajo qëndroi e hapur për përvojat e saj të kaluara me djemtë e saj në mënyrë që t’u mësonte atyre mësime të jetës.

“Unë u tregoj atyre për gjërat që kam kaluar ose ato që më kanë lënduar, në mënyrë që ata të kuptojnë se si bota mund t’i agresojë gratë, në mënyrë që ata të mund të jenë kalorësit mes burrave”, tha ajo. /Telegrafi/