Ndeshja e ndërprerë mes Real Betis dhe Sevilla në kuadër të 1/16-tës në Copa del Rey, do të zhvillohet përfundimisht sot (e diel), pa praninë e tifozëve.

Ndeshja Real Betis-Sevilla do të rifillojë përfundimisht.

Pasi të jenë paraqitur akuzat nga Sevilla, vendimi i gjyqtarit është miratuar dhe derbi do të rifillojë në orën 16:00 me dyer të mbyllura në ‘Benito Villamarin’.

Federata spanjolle merr vendim për ndeshjen e pezulluar mes Real Betisit dhe Sevillas Federata spanjolle merr vendim për ndeshjen e pezulluar mes Real Betisit dhe Sevillas

Sevilla nga ana e saj ka njoftuar se do të luajë derbin, por tregoi mospajtimin e saj absolut me vendimin që ndeshja Real Betis-Sevilla, e pezulluar mbrëmë në minutën e 39-të të rifillojë sot nga ora 16:00.

Kundërshtimi i Sevillas erdhi pasi orari iu duk i papërshtatshëm duke e ditur se lojtari i lënduar, Joan Jordan, nuk mund të luajë pas duhet të jetë së paku 24 orë në mbikëqyrje të stafit.

Tifozët e Real Betisit godasin me shufër metali në kokë Joan Jordan të Sevillas, gjyqtari ndërprenë ndeshjen e Copa del Rey Tifozët e Real Betisit godasin me shufër metali në kokë Joan Jordan të Sevillas, gjyqtari ndërprenë ndeshjen e Copa del Rey

Megjithatë, Komisioni i Apelit i përbërë nga tre anëtarë, ka hedhur poshtë kërkesën e Sevillas dhe ndeshja përfundimisht do të rifillojë nga minuta e 39-të, por do të luhet me dyer të mbylluara.

Ndryshe, pezullimi i ndeshjes erdhi pasi tifozët vendas të ekzaltuar nga goli i barazimit 1-1 i shënuar nga Nabil Fekir, filluan gjuajtjen e gjësendeve në fund dhe një shufër metali goditi mesfushorin Jordan në kokë dhe i njëjti përfundoi për trajtim në spital. /Telegrafi/