Rrëfeu mes lotësh për abortin dhe periudhën e vështirë që kaloi – Roza shpërthen në lot pas befasisë së të ëmës në Big Brother

Roza Lati ka rrëfyer me banorët për një ngjarje të rëndë që i ka ndodhur vitin që lamë pas.

Moderatorja e njohur tregoi se kishte abortuar, pasi partneri që kishte mbetur shtatzënë, nuk mund t’i ofronte një familje.

“Unë zgjedh familjen, zgjedh Vitin e Ri me familjen… nuk doja që fëmija im të kishte fëmijërinë që kam pasur unë, jam rritur vetëm nga nëna. Për një fëmijë figura e babait nuk zëvendësohet kurrë”, tha ajo.

“Mami më ka qëndruar afër gjithmonë. Ajo është shoqja ime e ngushtë, por pasi unë e kisha marrë vendimin, sepse ajo mezi pret që unë ta bëj një bebe. Edhe unë, por dua më shumë se kaq, dua familjen. Pasi e mora vendimin, kalova një moment të keq me veten, kam rrahur veten time. Mora një shoqe në telefon dhe i thash eja se jam keq, por më tha nuk vij dot se më dhëmb dhëmballa, por ma tha a e more rrogën. Se i kisha premtuar që do i jepja ca lekë. Dhe thyerja ime në 2023 ka qenë në shumë anë”, shtoi mes tjerash Lati.

Lexo po ashtu Roza Lati me rrëfim prekës: Kam abortuar një fëmijë, më pas e kam rrahur veten me grushta

E njëjta vazhdoi rrëfimin duke shtuar: “Rita e di çfarë kam kaluar. Pas rrëfimit që bëra me banorët, të nesërmen me erdhi një dron nga mami… ‘të kam zemër’”.

Pas rrëfimit që bëri sërish në Big Brother, ajo u surprizua nga e ëma, aktorja Rita Lati.

Roza u emocionua në masë të madhe dhe me të parë nënën shpërtheu në lot. /Telegrafi/