Real Madridi është gati për të mbyllur transferimin Joselu

Real Madridi është gati të mbyllë huazimin e Joselu për një sezon. Sulmuesi 33-vjeçar i Espanyol do të vinte në huazim falë një klauzole lirimi në kontratën e tij pas rënies nga La Liga dhe Los Blancos duhet të paguajnë vetëm pagën deri në rikthimin e lojtarit te Espanyoli në vitin 2024.

Nëse ardhja e Joselu konfirmohet, do të ishte përforcimi i parë i Los Blancos në tentim për forcuar sulmin në të cilin do të ketë shumë lëvizje për sezonin e ardhshëm.

Marco Asensio ka një këmbë jashtë Madridit, kontrata e Marianos Diaz ka përfunduar dhe situata e Eden Hazard është e paqëndrueshme.

Kjo e redukton sulmin e Mbretërve në vetëm tre sulmues, Karim Benzema, Vinicius Jr dhe Rodrygo Goes, duke detyruar Real Madridin të lëvizë dhe të përforcojë shpejt sulmin e tyre.

Lexo po ashtu Nga Kane te Osimhen dhe Havertz – 13 emrat që Real Madridi po monitoron për sulm

Nuk do të jetë 9-shi i fundit

Ardhja e Joselut, i cili ka shënuar 17 gola në 38 ndeshje për Espanyol këtë sezon, bie në një mundësi tregu që Real Madridi dëshiron të përfitojë, pasi ata do të siguronin një sulmues me kosto zero, që nuk do të ndikonte në ndjekjen e objektiva tjera në afatin kalimtar.

Nëse operacioni i Joselut përfundon, Real Madridi do të vazhdojë të shikojë përpara për përforcime tjera, sepse objektivi është të vazhdojë të përforcohet në sulm për të balancuar listën e sulmuesve në skuadër, e cila mund të reduktohet shumë pas largimeve të planifikuara.

Joselu do të kthehej në Real Madrid 11 vjet më vonë , pasi u largua në vitin 2012 duke luajtur për Castilla, e cila atë sezon kishte fituar ngjitjen në Kategorinë e Dytë, ku nga atu shkoi te Hoffenheim në Bundesligë, që në atë kohë pagoi gjashtë milionë euro për sulmuesin. /Telegrafi/