Artistja shqiptare me renome ndërkombëtare, Rita Ora, bëri një paraqitje të mrekullueshme në eventin MTV Video Music Awards 2021, i cili u mbajt të dielën në New York.

Ajo u shfaq e veshur me një palë pantallona të shkurtra, shoqëruar me një pelerinë të gjatë të zezë dhe një bluzë të shkurtër të zezë te pjesa e dekoltesë.

Rita e cila edhe pse nuk ishte e nominuar në asnjë kategori sivjet, ndodhej në eventin e madh për të porezantuar performancën e njërit prej artistëve më të mëdhenj që ishte ftuar të interpretonte në shfaqje.

Rita Ora në MTV VMA 2021 (Foto: Rita Ora/Instagram)

Fjala ishte për mikun e saj, Ed Sheeran, i cili është në promovim e sipër të albumit të tij më të ri “=”.

Rita ndërkohë ndaloi në tapetin e kuq të MTV VMA 2021 për të dhënë një intervistë të shkurtër për Extra TV, të cilët e kanë pyetur rreth pritshmërive të spektaklit.

Rita Ora dhe Taika shmangën në Met Gala Tessa Thompsonin, me të cilën u fotografuan në puthjen e famshme trepalëshe Rita Ora dhe Taika shmangën në Met Gala Tessa Thompsonin, me të cilën u fotografuan në puthjen e famshme trepalëshe

E pyetur nga gazetarja se “çfarë priste nga nata e MTV-së”, Rita u shpreh duke thënë se mezi priste të shihte performancën e mikut të saj, Ed Sheeran, të cilin do ta prezantonte në skenë.

Dhe pikërisht në atë moment, gazetarja ia bëri të ditur artistes shqiptare se Ed ndodhej prapa saj dhe me të parë Rita kolegun e saj, nuk hezitoi që menjëherë t’i japë një përqafim të ngrohtë atij.

Ndërkohë ajo shfrytëzoi rastin për të folur edhe me bashkëshorten e Ed-it e cila po e shoqëronte në këtë spektakël, teksa me shumë dashuri e pyeti se si është fëmija i tyre.

Rita Ora në MTV VMA 2021 (Foto: Rita Ora/Instagram)

Rita ka një miqësi të ngushtë me Ed Sheeran, pasi ai është edhe kompozitori i një prej këngëve më të mira të saj nga albumi i dytë “Phoenix”, e titulluar “Yur Song”. /Telegrafi/