Pas largimit të Allegrit, Juve ka në listë dy trajnerë të njohur

Juventusi njoftoi të premten pasdite se Massimiliano Allegri nuk do ta udhëheqë ekipin italian në sezonin e ardhshëm.

Eksperti italian do të luajë dy ndeshje të tjera të kampionatit italian dhe do të largohet nga bardhezinjtë në fund të sezonit.

Tashmë po kanë nisur të përfliten emrat e trajnerëve të rinj që pritet ta pasojnë 51-vjeçarin në krye të detyrës.

Antonio Conte udhëhoqi Juventusin nga 2011 në 2014 dhe për shumëkënd ai vendosi themelet e një ekipi të fuqishëm që ishte kampion i Italisë për shtatë vjet me radhë.

Pas largimit nga Juventusi, Conte mori ekipin kombëtar italian dhe nga viti 2016 deri në 2018 ishte trajner i Chelseat, me të cilin fitoi kampionatin në vitin 2017.

Kandidati i dytë është Mauricio Pochettino, i cili aktualisht është trajneri i Tottenham Hotspurs, me të cilin do të luajë në finalen e Ligës së Kampionëve kundër Liverpoolit më 1 qershor dhe ka dhënë indikacione se do të largohet.

Lexo po ashtu Allegri me statistika mbresëlënëse te Juventusi, por kurrë nuk u vlerësua për punën e tij

Ndryshe, Allegri raportohet se mund ta marr drejtimin e skuadrës franceze të Paris Saint-Germain. /Telegrafi/