Nga MSN tek BBC dhe Ronaldo-Rivaldo-Ronaldinho: Cilët janë treshet sulmuese më të mira ndonjëherë?
Ardhja e Lionel Messit në Paris Saint-Germain ka tronditur botën e futbollit dhe i ka bërë tifozët në të gjithë planetin të lëpijnë buzët në pritje të lojës së tij me klubin francez.
Argjentinasi tani do të lidhet me ish-shokun e tij te Barcelona, Neymar, si dhe Kylian Mbappe në atë që mund të jetë një nga treshet sulmuese më të rrezikshme të të gjitha kohërave.
Klubi francez ka një formacion sulmues i cili është më se i aftë të sjellë sukses në Paris, por a është kjo vija sulmuese më e mira që kemi parë ndonjëherë?
Gazeta Marca pyeti fansat se kush ishte ‘tridenti’ më i mirë që kishin parë ndonjëherë, me Messin, Luis Suarez dhe Neymar (MSN) që dolën në krye të listës.
Futbolli ka parë disa treshe fantastike përpara ndër vite, të tilla si MSN, apo BBC me Karim Benzema, Gareth Bale dhe Cristiano Ronaldo ose treshen e Brazilit me Ronaldon, Ronaldinhon dhe Rivaldon.
Kur këta lojtarë u lidhën, ata krijuan disa momente të paharrueshme, dhe Marca ka hedhur një vështrim në statistikat dhe arritjet e tyre.
MSN (Messi – Suarez – Neymar)
Argjentinasi, uruguaiani dhe braziliani shijuan tre vite së bashku, të ngarkuar me trofe në Barcelona midis viteve 2014 dhe 2017 duke fituar nëntë tituj. Ata ngritën Ligën e Kampionëve, Kupën e Botës për Klube, dy tituj të La Ligas, një Superkupë Evropiane, një Superkupë të Spanjës dhe tre trofe të Kupës së Mbretit.
Ekipi kishte një përqindje fitoresh prej 76.2 për qind – 138 fitore nga 181 ndeshje – me ta në skuadër dhe MSN shënuan një shifër të pabesueshme prej 364 nga 519 golat e Barcelonës gjatë kësaj periudhe.
Messi shënoi 153 gola, Suarez shtoi 121 gola dhe Neymar 90 sosh, teksa regjistruan më shumë asistime sesa BBC me 173 asistime.
BBC (Benzema – Bale – Cristiano)
Tifozët e Real Madridit e vlerësuan këtë sulm trembës për pesë sezone në Santiago Bernabeu, në të cilin Los Blancos fituan 13 trofe të mëdhenj, përfshirë katër Liga të Kampionëve, tre Superkupa Evropiane, tre Kupa të Botës për Klube, një Superkupë të Spanjës, një Copa del Rey dhe një titull të La Ligas.
Ata kishin një përqindje fitoresh prej 71.7 për qind – 201 nga 293 ndeshje – dhe shënuan 442 nga 784 golat e gjithë skuadrës. Të tre shënuan në 13 raste dhe grumbulluan 171 asistime mes tyre – shifër mbresëlënëse pasi ata luajtën së bashku vetëm në 46 për qind të ndeshjeve që klubi luajti, duke filluar vetëm 98.
Të gjashtë lojtarët apo dy treshet e lartpërmendura u përballën me njëri-tjetrin tri herë në El Clasico dhe shënuan shtatë nga 10 golat në ato ndeshje.
LaLiga (22/03/15): Barcelona 2-1 Real Madrid
LaLiga (21/11/15): Real Madrid 0-4 Barcelona
LaLiga (02/04/16): Barcelona 1-2 Real Madrid
Ronaldo – Ronaldinho – Rivaldo
Këta të tre e quan Brazilin në fitimin e Kupës së Botës në Kore dhe Japoni në vitin 2002, duke fituar të shtatë ndeshjet që ata luajtën në këtë turne.
Ata e mposhtën Gjermaninë në finale me një dy golësh nga Ronaldo, me Rivaldon dhe Ronaldinhon që bënë shfaqje shumë të mira.
Nga 18 golat që Brazili shënoi në këtë garë, 15 erdhën nga tre sulmuesit e tyre, me Ronaldon që fitoi Këpucën e Artë me tetë gola, Rivaldo shënoi pesë dhe Ronaldinho kontribuoi me dy sosh.
MNM (Messi – Neymar – Mbappe)
Pritshmëritë janë të mëdha për lojtarët kryesorë të PSG-së këtë sezon dhe shumë presin që ata të çojnë klubin francez në nivel tjetër si brenda ashtu edhe në Evropë.
Messi e përfundoi sezonin e kaluar me 38 gola dhe 14 asistime në 47 ndeshje, Neymar regjistroi 17 gola dhe 11 asistime në 31 ndeshje dhe Mbappe shënoi 42 gola të pabesueshëm dhe 11 asistime në 47 ndeshje.
Në letër këto shifra dhe këta emra janë të pandalshme, por vetëm koha do të tregojë nëse janë treshja më e mirë ndonjëherë. /Telegrafi/
Lufta Prigozhin - Putin
Më shumëNga rrahja e kryetarit e ‘Intelektualëve’ deri tek dërgimi i Valon Zymberit dhe dy personave tjerë në mbajtje – e gjithë situata
"Mendova se mi theu të gjithë dhëmbët" - Evander Holyfield zbuloi se cili boksier e goditi më fort
“Bayern Munich duhet të blejë lojtarë që i përshtaten Zidanet”, legjenda franceze paralajmëron Bavarezët
Xavi konfirmon qëndrimin te Barcelona, zbulon arsyen pse ndryshoi mendje
Ancelotti konfirmon rikthimin e Courtois, flet edhe për lëndimet e Bellinghamit dhe Rodrygos
Distria Krasniqi i siguron medaljen Kosovës, kalon në finale të Kampionatit Evropian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën