Neymar është urdhëruar ta paguajë thesarin e shtetit spanjoll 35 milionë euro për parregullsitë tatimore gjatë transferimit te Paris Saint-Germain nga Barcelona.

Sulmuesi 27-vjeçar është paralajmëruar me konfiskim të gjërave personale dhe bllokim të xhirollogarive bankare për shlyerjen e detyrimeve tatimore në Spanjë.

Sipas Mundo Deportivo, autoritetet tatimore spanjolle kanë pohuar se braziliani u detyrohet 35 milionë euro gjatë katër viteve që kaloi si rezident në shtetin spanjoll.

Gjigantët e La Ligas pretendojnë se francezët u detyrohen 26 milionë euro nga kontrata e arritur mes palëve, por që francezët nuk dëshirojnë t’i paguajnë shkaku i mos përmbushjes së pritshmërive prej lojtarit.

Thashethemet e fundit thonë se klubi i drejtuar nga Ernesto Valverde ka ofruar një marrëveshje për huazimin e sulmuesit.

Ndryshe, Neymar pas probleme me klubin është rikthyer në stërvitjet te kampioni i Francës. /Telegrafi/