Trajneri i Manchester Unitedit, Jose Mourinho nuk do të habitet nëse Henrikh Mkhitaryan do të luajë mirë te Arsenali.
Mourinho pranon se armeni nuk ishte në formën e duhur sa ishte pjesë e skuadrës që drejton ai.
"Unë besoj se Mkhi do të jetë më i mirë tek ata se me ne", tha trajneri portugez, Mourinho.
"Me një vjet e gjysmë në Angli, Arsenali luan në mënyrën se si paraqitet ai. Mendoj se është një lëvizje e mirë për të gjithë, prandaj jam i lumtur për atë", shtoi ndër të tjerash.
Reprezentuesi armen ka kaluar në radhët e skuadrës së Arsenalit pasi që drejtim të Manchester Unitedit shkoi Alexis Sanchez.
Ky i fundit pritet të debutojë gjatë fundjavës me skuadrën e Djajve të Kuq ndërsa do të mbaj fanellën me numër 7.
Kujtojmë se Arsenali tashmë ka siguruar një vend në finale të Carabao Cup ndërsa sonte United, do të takohet me Yeovilin. /Telegrafi/
