Dy befasi të mëdha kanë ndodhur në mbrëmjen e kaluar në ligën më të fortë të basketbollit në botë NBA.

Philadelphia 76ers është mposhtur në shtëpi nga Cleveland Cavaliers me nëntë pikë diferencë 112:121.

Vendasve nuk i mjaftoi loja e mirë nga Joel Embiid me 24 pikë, JJ Redick me 23 pikë, si dhe dyshja Ben Simons e Jimmy Butler që shtuan nga 22 pikë për të marrë fitore.

Më meritorët për fitoren e tretë këtë edicion të Cavaliers ishte Rodney Hood me 25 pikë, ndërsa Sexton me 23, Osman me 20 dhe Clarkson me 19 kishin merita për këtë triumf të madh.

Milwaukee Bucks nuk i kanë mjaftuar 35 pikët nga Giannis Antetokounmpo për ta mposhtur Phoenix Suns, pasi pësuan disfatë para tifozëve të tyre 114:16.

Devin Booker ishte më efikasi për mysafirët me 29 pikë të shënuara, por pikët vendimtar i dha Jamal Crawford një sekondë para fundit të sfidës.

Për Suns kjo ishte vetëm fitorja e katërt këtë edicion në NBA, teksa ka pësuar 14 disfata.

Tek fitoret është rikthyer edhe kampioni në fuqi Golden State Warriors që ka triumfuar në shtëpi ndaj Portland Trail Blazers 125:97. /Telegrafi/

Rezultatet:

Brooklyn Nets – Minnesota Timberwolves 102:112

LA Clippers – Memphis Grizles 112:107

Detroit Pistons – Houston Rockets 116:111

Atlanta Hawks – Boston Celtics 96:114

New York Knicks – New Orleans Pelicans 114:109

Philadelphia 76ers – Cleveland Cavaliers 112:121

Toronto Raptors – Washington Wizards 125:107

Chicago Bulls – Miami Heat 96:103

Indiana Pacers – San Antonio Spurs 100:111

Oklahoma City Thunder – Charlote Hornets 109:104

Milwaukee Bucks – Phoenix Suns 114:116

Denver Nuggets – Orlando Magic 112:87

Golden State – Portland Trail Blazers 125:97

LA Lakers – Utah Jazz 90:83