Messi i gatshëm të zvogëlojë pagën e tij për të mundësuar transferimin e Haalandit te Barcelona
Lionel Messi thuhet se është gati të rinovojë kontratën me pagë më të ulët, nëse kjo do të thoshte mundësim i transferimit të Erling Haaland nga Borussia Dortmundi te Barcelona.
Kapiteni argjentinas është në muajt e fundit të kontratës së tij aktuale me klubin nga Camp Nou, ndërsa emri i tij ka qenë më i përfoluri muajve të fundit për një transferim diku tjetër.
Klube të mëdha dhe të pasuara evropiane si Manchester City dhe Paris Saint-Germain e kanë bërë disa herë publike dëshirën për të transferuar Messin, por argjentinasi si duket do të mbetet te Barcelona.
Messit i është ofruar një kontratë e re disavjeçare dhe i është thënë nga presidenti i ri Joan Laporta se atij mund t’i duhet një ulje e pagës aktuale në mënyrë që të rinovohet përtej vitit 2021.
Por, prioriteti kryesor i Messit është të sigurohet që Barcelona do të jetë ambicioze në afatin e ardhshëm të transferimeve.
Sipas mediumit Eurosport, Messi është i gatshëm të zvogëlojë pagën e tij në Barcelona nëse kjo do të thotë që klubi mund të ndjekë transferimin e sulmuesit të Dortmundit, Erling Haaland.
Haaland është sensacioni i dy viteve të fundit dhe shumë klube të mëdha evropiane e duan atë, por nëse Messi kërkon që ai të transferohet në Camp Nou, kjo sigurisht se mund të luajë një rol të madh te norvegjezi. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251