Floyd Mayweather nuk është aspak i kënaqur që nuk është zgjedhur sportisti i dekadës dhe që ky çmim i është dhënë yllit të NBA, LeBron James.

Boksier i pamposhtur ka thënë se atij është dashur t’i jepej çmimi i Associated Press, ndërsa për më shumë, beson se ka qenë sportisti më i mirë edhe i dekadës paraprake.

42-vjeçari ka një rekord 50-0 në gjatë karrierës së tij si boksier dhe ka qenë kampion në pesë kategori të ndryshme. Dueli i tij i fundit ishte ai ndaj Conor McGregor në përballjen shumëmilionëshe në gusht të vitit 2017.

Floyd Mayweather (Foto: Tom Pennington/Getty Images/Guliver)

“E dua LeBron Jamesin, por kur po flasim për sportistin e dekadës, ai jam unë. Jam unë”, ka thënë Mayweather për Drink Champs.

“Po flasim nga viti 1996 deri në vitin 2020… dhe asnjëherë nuk e kam fituar çmimin e sportistit të dekadës. Në maje të Forbesit dhe jam shef i vetes”, ka shtuar boksieri

“Me shumë sinqeritet, unë jam sportisti i dekadës… edhe në fakt, në dy dekadat e fundit”, ka shtuar boksieri. /Telegrafi/

Lebron James (Foto: Christian Petersen/Getty Images/Guliver)