LAJMI I FUNDIT:

Marcelo, Isco, Bale: Tre yjet që mund të luajnë ndeshjen e fundit për Real Madridin para largimit    

Marcelo, Isco, Bale: Tre yjet që mund të luajnë ndeshjen e fundit për Real Madridin para largimit    

Këtë të premte, në ndeshjen kundër Real Betisit, tre lojtarë të Real Madridit mbyllin rrugëtimin e tyre sportiv në “Santiago Bernabeu”.

Tre lojtarë kryesorë në sukseset e Real Madridit në katër nga pesë Ligat e Kampionëve, kanë humbur peshën në skuadër me kalimin e kohës, ku fillimisht humbën statusin e titullarit, ndërsa tani do t’i japin fund aventurës me Los Blanocs me ndërprerjen e kontratave që skadojnë më 30 qershor.

Marcelo, Isco dhe Gareth Bale ndaj Real Betis do ta kenë ndeshjen e fundit me Los Blancos, pasi asnjëri nuk pritet të luajë në finalen e Ligës së Kampionëve.

Dashuria për Marcelon

Megjithatë, secila nga tri rastet, janë të ndryshme. Nuk ka dyshim që Marcelo, kapiteni i parë i skuadrës, do të largohet me dashurinë e “Santiago Bernabeut”

Edhe pse futbollisti ka ende disa shpresa të vogla për të vazhduar me klubin, gjithçka tregon se aventura e tij në Madrid, e cila filloi në vitin 2006, do të prekë fundin pas finales së Ligës së Kampionëve në Saint-Denis më 28 maj.

Pas 545 ndeshjeve, në pritje të asaj që mund të ndodhë kundër Real Betis dhe Liverpool, Marcelo është lojtari me më shumë tituj në historinë e klubit (24) dhe lojtar i dytë jo-spanjoll me më shumë paraqitje, vetëm pas Karim Benzemas. Edhe pse që prej sezonit 2018/19 paraqitjet e tij në formacionin startuese janë reduktuar, mënyra e tij shembullore për të menaxhuar humbjen e vendit, ka lënë gjurmë në zemrat e tifozëve madrilen.

Respekt për Iscon

Do të ketë dashuri edhe për Iscon, një tjetër lojtar bazë në ciklin fitues të Real Madridit në Evropë, pavarësisht se nuk e ka shijuar kurrë ‘etiketën e titullarit’ të padiskutueshëm. Ai ishte protagonist në Lisbonë, Milano, Cardiff dhe Kiev, kur performoi në një nivel që është larg nga sot.

Sezonet 2013/14 dhe 2014/15, ishin më më shumë paraqitje, 53 ndeshje, ndërsa në stol ishte Carlo Ancelotti. Sot, numri i tyre është shumë më i vogël. Në vitin aktual ai nuk ka luajtur më shumë se 400 minuta dhe nuk është paraqitur në Ligën e Kampionëve, ndeshja e fundit si startues daton në shkurt (kundër Granadas).

Pavarësisht kësaj, në lamtumirën e tij, momentet e mira do të peshojnë më shumë se të këqijat dhe do të marr respektin e merituar. E ardhmja e tij është në Sevilla, dy klubet e njohura po luftojnë për nënshkrimin e tij.

Gareth Bale, rasti i rrallë – nga hero, në të papëlqyer

Rasti më i frikshëm është ai i Gereth Bale, një lojtar kryesor në ndeshjet e mëdha të dekadës së fundit. Ai kishte paraqitje të jashtëzakonshme dhe të paharruara kundër Barcelonës, Atletico Madridit apo Liverpoolit. Sidomos në ndeshjen e Kievit, ku shënoi edhe super golin me biçikletë, ishte kulmit i tij.

Nga atëherë ka marrë një rol gjithnjë e më të vogël në ekip, i cili është kombinuar në mënyrë të rrezikshme me dyshimet për angazhimin e tij ndaj klubit.

Edhe pse Ancelotti u përpoq ta rehabilitonte në fillim të këtij sezoni, uellsiani nuk ia arriti. Ai është në klubi që nga viti 2013, por pesë vitet e para, nuk kanë asnjë lidhje me katër viteve të fundit të tij. /Telegrafi/

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Agjenti i Alphonso Davies godet Bayernin, shpjegon situatën e kanadezit

Agjenti i Alphonso Davies godet Bayernin, shpjegon situatën e kanadezit

Bundesliga
Kalo në kategori