Mali i Zi në Eurovision me një “Conchita” mashkull, merr mijëra klikime dhe kritika (Video)

Kanë filluar përgatitjet për festivalin “Eurovision”, i cili do të dhurojë tre netë fantastike në datat 9, 11 dhe 13 maj 2017 në Kiev të Ukrainës.

Shumica e shteteve kanë prezantuar projektet e tyre pjesëmarrëse, teksa shqiptarët do të prezantohen me “Botë”, këngë të cilën do ta interpretojë këngëtarja Lindita Halimi.

Ndërkohë, një zhurmë të madhe me këngët e tyre kanë krijuar kryesisht shtetet e Ballkanit, transmeton Telegrafi.

Lexo po ashtu "Dance Alone", kënga që përfaqëson Maqedoninë në "Eurovision" (Foto/Video)

Mali i Zi është shteti i cili padyshim ka zgjuar më së shumti pluhur këtë vit me pjesëmarrjen e tij, dhe prezantohet nga këngëtari Slavko Kalezić, me këngën “Space”.

Arsyeja pse këngëtari Kalezić ka qenë kaq i përfolur, është se kënga e tij paraqitet me një stil të ngjashëm me “Conchitan”, ish- fituesen e Eurovizionit si përfaqësuese e Austrisë në 2014-tën.

Përndryshe klipi i këngëtarit është mjaft eksplicit, dhe në të këngëtari shfaqet disa herë i veshur edhe me një fustan.

“Space” pretendohet të jetë një ndër këngët favorite të këtij viti për ta fituar “Eurovisionin”, ndërsa nuk është pëlqyer aspak nga malazezët, të cilët e kanë kundërshtuar si një këngë e cila nuk i përfaqëson denjësisht kulturën e tyre, biles përkundër bie ndesh me rregullat familjare, shoqërore e fetare të këtij vendi.

Lexo po ashtu Ky është vendi ku do të zhvillohet "Eurovision 2017" (Foto)

Ndërkohë në gjithë historinë e pjesëmarrjes së Malit të Zi në ‘Eurovision’, ky shtet ka arritur ta prekë vetem dy herë finalen. Në vitin 2014 me këngën “Moj svijet” nga Sergej Ćetković, dhe në vitin 2015 me këngën “Adio” nga këngëtari Knez.

Viti 2017 mendohet të jetë pjesmarrja e radhës ku Mali i Zi do ta ketë mundësinë që edhe njëherë të prek finalen e “Eurovision”, dhe mbase edhe ta fitojë. /Telegrafi/