Madonna bën histori me këngën e re “Popular”, bëhet artistja e parë femër që nga Cher që debuton në ‘Billboard Hot 100’ në pesë dekada të ndryshme

Madonna sapo është bërë gruaja e parë që nga Cher që ka një këngë të në Billboard Hot 100 në pesë dekada të ndryshme.

Cher dhe Madonna janë në fakt të vetmet artiste femra që e kanë arritur këtë moment historik, vuri në dukje Billboard të mërkurën.

64-vjeçarja, shënoi këngën e saj të fundit Hot 100 me “Popular”, një bashkëpunim me Playboy Carti dhe The Weeknd për serin e re të këtij të fundit, “The Idol”, shkruan DailyMail.

Me një kastë të udhëhequr nga The Weeknd dhe Lily-Rose Depp, “The Idol” ndjek një yll pop, i cili bie në grackën e një pronari lider të klubit të natës.

Lexo po ashtu Të gjitha lajmet nga Madonna

Të gjitha aktet e tjera që debutuan në Billboard Hot 100 në pesë ose më shumë dekada ishin artistë meshkuj si Elvis Presley, Frank Sinatra dhe Michael Jackson ose grupe krejtësisht meshkuj si Rolling Stones dhe Santana.

“Popular” doli më 2 qershor mes një stuhie polemikash rreth “The Idol”, i cili ka marrë një bujë në internet që kur u shfaq premierë në Kanë në maj.

Pjesa më e madhe e reagimit ka rezultuar në përshkrimin e ashpër të personazhit të Lily-Rose dhe skenave eksplicite që janë përfshirë. /Telegrafi/