LAJMI I FUNDIT:

Lufta për Scudetto dhe pendesa më e madhe në sezonin debutues te Interi – Inzaghi analizon rrethanat

Lufta për Scudetto dhe pendesa më e madhe në sezonin debutues te Interi – Inzaghi analizon rrethanat
Simone Inzaghi në konferencë shtypi (Foto: www.inter.it)

Simone Inzaghi zbulon keqardhjen e tij më të madhe të sezonit dhe këmbëngul se Interi ende mund të marrë titullin e Serie A nga Milani në xhiron e fundit.

Nerazzurrët fituan 3-1 në Sardenjë me dy gola të Lautaro Martinez dhe Matteo Darmian, duke e shtyrë çdo verdikt në raundin e fundit.

Milanit i duhet ende vetëm një pikë kundër Sassuolos për të siguruar Scudetton, sepse nëse skuadrat përfundojnë me pikët e barabarta në krye, kuqezinjtë kanë një rekord superiore ballë për ballë.

Interi nuk gabon ndaj Cagliarit - vazhdon me presion ndaj Milanit
Lexo po ashtu Interi nuk gabon ndaj Cagliarit - vazhdon me presion ndaj Milanit

Pasojat e tjera janë që Genoa bie nga kategoria dhe Sampdoria është e sigurt, kështu që vendi i fundit në Serie B është mes Salernitanas dhe Cagliarit.

“Emocionet ishin të mërkurën, duke fituar një trofe që na interesonte shumë”, deklaroi Inzaghi për DAZN, duke iu referuar fitores 4-2 të Kupës së Italisë në kohën shtesë ndaj Juventusit.

“Nuk ishte e lehtë pas fitores së Milanit, por skuadra luajti shumë mirë kundër një kundërshtari që është problematik në terrenin e vet. Unë i përgëzoj djemtë e mi, sepse kjo nuk ishte aspak e mirëqenë, veçanërisht pasi luajtëm 120 minuta të mërkurën”.

Sigurisht, Inzaghi po luante për Lazion në vitin 2000, kur ata kaluan Juventusin në ditën e fundit të sezonit, atë ditë famëkeqe me shi në Perugia. A mundet Sassuolo të stopojë Milanin dhe ta ndihmojë Interin të ruajë titullin?

“Sassuolo është një skuadër shumë e mirë, ata kanë shumë talent individual. Pres një fund shumë të hapur të sezonit për Scudetton, vendet evropiane dhe rënien. Tani jemi këtu, duhet të përpiqemi të shkojmë deri në fund”.

“Natyrisht, ne jemi prapa, kështu që na duhet një fitore dhe që ata të humbasin. Ka ndodhur më parë, unë fitova me Lazion kur ishim dy pikë prapa dhe Juventus humbi nga Perugia, kështu që mund të ndodhë përsëri”.

Dallohet Lautaro: Cagliari 1-3 Inter, notat e lojtarëve
Lexo po ashtu Dallohet Lautaro: Cagliari 1-3 Inter, notat e lojtarëve

Inzaghi u pyet për keqardhjen e tij më të madhe nga ky sezon debutues në stolin e Interit dhe zgjodhi një lojë jashtë Serie A.

“Ndeshja e parë me Liverpoolin është ajo për të cilën jam penduar. Liverpool humbi një ndeshje në 2022 dhe ajo ishte kundër Interit. Nëse nuk do të kishim mbetur në 10 lojtarë, kush e di se çfarë mund të kishte ndodhur?”.

“Unë shikoj pas një sezoni me dy trofe të ngritur, ne jemi ende në garë për Scudetton deri në ndeshjen e fundit, nuk mund ta prisja kurrë të gjithë këtë dhe marshimi ynë evropian u ndal vetëm nga Liverpool”, ka shtuar më tej Inzaghi /Telegrafi/

Në trend Sport

Më shumë
“Doja të shihja vetëm gjëra që lidhen me vdekjen, nuk është për të çmendurit”, historitë e disa yjeve botërore që kanë vuajtur nga depresioni

“Doja të shihja vetëm gjëra që lidhen me vdekjen, nuk është për të çmendurit”, historitë e disa yjeve botërore që kanë vuajtur nga depresioni

Ndërkombëtare
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Lojtari i Arsenalit merr një 'kontratë rekord' që nuk është parë më parë në Emirates

Lojtari i Arsenalit merr një 'kontratë rekord' që nuk është parë më parë në Emirates

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Premier League
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Kalo në kategori