Legjenda e futbollit botëror, Lothar Matthaus, nesër (e mërkurë) do ta vizitojë Kosovën.

Ai do të vijë në Kosovë falë ‘Teleperformance Deutchland’ dhe televizionit ‘SKY Germany’, njofton Zëri.info.

Ish-futbollisti i mirënjohur i Kombëtares së Gjermanisë do ta mbajë edhe një konferencë për media.

Matthaus në ora 16:00 do ta vizitojë edhe stadiumin e Prishtinës, ‘Fadil Vokrri’.

Kujtojmë se gjermani është kampion evropian dhe botëror me kombëtaren si dhe ka fituar të kampionit në Itali me Interin, por edhe të Gjermanisë me Bayern Munichun.

Ndryshe, 58-vjeçari në vitin 1990 është shpallur lojtari më i mirë në botë duke e fituar “Topin e Artë”.