Skuadrat e mëdha në NBA kanë vazhduar me fitore në elitën e basketbollit amerikan.

Kësisoj kampioni në fuqi i NBA, Toronto Raptors ka marrë fitoren e 15-të radhazi, teksa ka mposhtur Minnesotan me rezultat 137:126.

Pascal Siakam me 34 pikë, Kyle Lowry me 27 dhe OG Anunoby me 25 të tjera ishin më meritorët për këtë fitore të Raptors.

Fitore në Lindje ka shënuar edhe lideri Milwaukee Bucks që para tifozëve të vet ka triumfuar ndaj Sacramento Kings me 12 pikë diferencë, 123:111.

Në mungesë të Giannis, erdhën në shprehje dyshja Eric Bledsoe dhe Khris Middleton që shënuan nga 28 pikë.

E fitores para tifozëve të vet i është gëzuar edhe Los Angeles Lakers që ka mposhtur me pesë pikë diferencë Phoenix Suns 125:120.

Anthony Davis me 25 pikë, 10 kërcime e pesë asistime ishte më efikasi tek skuadra nga Kalifornia që vazhdon ta mbajë pozitën e parë në Perëndim. /Telegrafi/

Rezultatet:

Detroit – Charlotte 76-87

Indiana – Brooklyn 105-106

Orlando – Atlanta 135-126

Toronto – Minnesota 137-126

Milwaukee – Sacramento 123-111

Dallas – Utah Jazz 119-123

Denver – San Antonio 127-120

Golden State – Miami 101-113

LA Lakers – Phoenix 125-100