LAJMI I FUNDIT:

Kërkohet nga City, Inter dhe Juventus, Semedo vendos për klubin e ri

Kërkohet nga City, Inter dhe Juventus, Semedo vendos për klubin e ri
Nelson Semedo. (Photo by Thomas Eisenhuth/Getty Images)

Nelson Semedo është duke u kërkuar nga tri skuadra të mëdha evropiane.

Manchester City, Juventus dhe Inter janë skuadrat e interesuara për mbrojtësin e djathtë të Barcelonës, i cili shikohet si një vlerë për katalunasit për shkëmbime.

Barcelona i ka ofruar Cityt mbrojtësin portugez si shkëmbim për bashkëkombësin e tij Joao Cancelo.

Në anën tjetër edhe dy klubeve italiane Interit dhe Juventusit, i është ofruar Semedo si pjesë e marrëveshjeve për Lautaro Martinez dhe Miralem Pjanic.

Nelson Semedo . (Photo by Alex Caparros/Getty Images)

Megjithatë mbrojtësi portugez ka vendosur që të transferohet te Juventusi dhe i ka bërë të qartë këtë gjë Barcelonës.

26-vjeçari është i entuziazmuar për të luajtur përkrah bashkëkombësit të tij Cristiano Ronaldos dhe kjo është arsyeja që ka zgjedhur Juventusin.

Tani agjenti i tij Jorge Mendes do të fillojë negociatat me Zonjën e Vjetër për të diskutuar për kushtet e mbrojtësit anësorë.

Semedo pritet të përfshihet në marrëveshje në shkëmbim me Miralem Pjanic, por Barcelona pritet të shtojë edhe 20 milionë euro që ta transferojë boshnjakun në Camp Nou. /Telegrafi/